1. seks û ceza dîroka çar hezar salan a darizandina arezûyê -navê pirtûkê ev e. nivîskarê wê :Eric Berkowitz. Nivîskar , parêzerê mafê mirovan û rojnamevane .
di vê pirtûkê de proseya darizandina seksê bi vegotineke xweş radixe ber çavan .

Seks û em an jî civaka me . Axaftina wê ne pêkane . Hin kes newêrin pirtûkeke wisa bigrin destê xwe îja çawa bixwînin ? Bawerim dema li navê wê mêze dikin xof dikeve hundirê wan û nizanin çi bikin . Bi rastî jî meseleya “seksê” tabûyeke pir mezine . Ne tenê di civaka me de , li Rojhilat û gelek alîyên Rojava jî heman tabûye . Ev pirtûka “Seks û Ceza “yê bersiva gelek pirsên min dan û gelek metirsî jî bêmane kirin . Hema hûn li çi bigerin di pirtûkê de heye . insest, hevzayendî, lîvata , lezbîyen , travestî , rahibeyên laşfiroş , yên ku bi ajalan re seksê dikin an jî hezdikin, destdirêjî û hwd. Destpêka pirtûkê bi çîroka jineke Rodezya Bakur, bûyereke hiqûqê ye. Nivîskar heta dawîya berhemê jî weke hiqûqnasekî li dîroka çar hezar salî dinêre . Di vê proseya çar hezar salî de bûyerên pir ecêb çêbûne . Tiştek heye qet neguherîye ew jî serdestî ya “mêran” . Hemî mêr ne serdestin serdestî ya li vir ya “hiş” e. Patrîyarkalîzm /Baviksalarî . Çîrok û bûyerên berîya zayînê de bêtir Cihû, Misir , Yewnana kevn , Babîl , Sûmer û derdora wê hene . Piştê zayînê navenda pirtûkê vedigere Anatolîya û ewropayê . Li vir împaratorîya Romayê konaxa yekemîn e û piştre navenda wê diçe Ewropayê û li wir proseyeke dirêj heta sedsala bîstemên didome . Amerîka jî li vir konaxeke serbixweye . Di van konaxan de gelek bûyer çêbûne û darizandinên wan jî bi gelek êşên mezin çêbûne . Dîsan jî ew qedexe , êş, kuştin û qanûnan pêşî li arezûya mirovan negirtîye . Femînîzm an jî têkoşîna jinan hatîye asteke baş lê bi temamî problem çareser nebûne . Hîn jî li gelek deverên cîhanê jin weke kole tên dîtin û di şeş saliya xwe de tên zewicandin . Îro li gelek welatan zewaca LGBTQ+yan bi fermî tê kirin lê li gelek deverên cîhanê cezaya mirinê ji bo wan heye . An jî laşfiroşî qedexe be jî dewlet baca xwe jê digrin . Guneh , şerm , nexweşî , bêedebî , xirabî wê her bê gotin .