8. Mirovek hunermend û tewş e, van rojên dawîyê klîbek nû çêkiriye. Gorî dîtin û bihîstina min xelkê ji klîba wî ya nû hez kiriye lê bi min qet nexweş e, jixwe şêweya wî ya hunerê ya van deran nîn e, diçin awayek muzîkê ji kuncek dinyayê ya ku tu eleqeya wê bi civaka vir û nirxên vir ve tune tînin û wekî ku berhemdar bin, wekî ku wan ev şêwe hilberî be pêşkêş dikin, bi kopî- pastê kar nebe. Yê ku navê wî hunermend be divêt resen be û gorî derdora xwe hilberîne paşê eger ji dest hat berê xwe bide peravê dinyayê yên dûr. Yanî kesên wiha xwe radestî çanda serdest kirine, çanda xwe hinarde nakin û di ser da diçin çanda yên din hawirde dikin, belkû ev gotina min gorî hinek kesan tewş be, endîşeyek ne pêwîst be lê bi min bi vê awayê çand dimirin. Mînak; stranên Tirkan binêrin çend heb gorî şêweya wan ya muzîkê hatine nivîsîn? Gelek kêm. Gotin bi zimanê wan e lê giyan yê wan nîn e. Ev nayê wê wateyê ku ez şêweyên muzîkê yên biyaniyan xirab dinirxînim, jê nefret dikim lê her çi be jî, her çiqas xweş bin jî yên me nîn in. Mesele ji vê îbaret e.