4. Hemîdo stranên bi asteke wisa neteweperestî û siyasî digot, yên ku ji amûra di destê wî de jî ditirsiyan, Hemîdo girtin, îşkence lê kirin û neynûkên wî derxistin. Hemîdo dev jê berneda û dema baş bû, amûra xwe hilda û stranên azadî, şoreşgerî û Kurdistanî berdewam kir.

Di wan salên ku guhdarkirina muzîka kurdî jî wek sûc dihat dîtin, li ser dikê bi peyamên neteweyî stranên kurdî digotin. Hozan Hemîdo yê ku di sala 1979'an de hat girtin û avêtin zindana Amedê, bi 'baxlema' ku ji qutiyeke halva, destikê bêrîk û kauçka sopê çêkir bû hawara hevalên xwe.

Hozan Hemîdo ku di salên 90'î de bi meşên kurdî yên ku çêkiribû de roleke girîng di geşkirina hestên şoreşgerî yên ciwanên Qoserê de lîst, piştî ku hat berdan, gelek caran hate girtin û rastî îşkenceyê hat. Hemîdo ku her carê ji cihê ku lê hiştiye bi biryartir berdewam dike, piştî êrîşê diçe Mêrsînê. Dema ku zane heval û hevrêyê wî yê têkoşînê Parlamenterê DEP'ê yê Mêrdînê Mehmet Sîncar hatiye qetilkirin, vedigere Qoserê.

Piştî ku vedigere Mêrdînê jiyana wî jî mîna hemû hunermendên şoreşger ên wê demê di bin xeteriyê de ye. Hozan Hemîdo ku haya wî jê heye, bê tirs û bê veşartin hunera xwe vedixwe. Di 27'ê Îlona 1993'an de dema li Mêrdînê dimeşiya, li ser Pira Duneysrê ji aliyê endamên Jitem ve bi guleyên bombebarkirî jiyana xwe ji dest da.