3. koma ku di vê kurdî/3015 peyama xwe de berê min behs kiribû ye..

ji bo hevnasîn û xurtkirina têkiliya ligel hev ya devok û zaravayên kurdî derfetek Û fersendeke baş e..

min jî berê di vê komê de gelek wext dibihurand û li ser mijar û guftûgoyên dihatin kirin fikr û şiroveyên xwe dinivîsandin.. û ez ji endamên din yên vê komê hînî gelek tiştan bûme..

hetta çend caran di vê komê de me lînkên tirşikê jî belav kirin ku endamên komê jî ji hebûna tirşikê agahdar bin û ew jî xwêya xwe li tirşikê bikin, lê mixabin kêm kesan berê xwe pê ve kir..

bi taybetî jî endamên ji parçeyên dn ên kurdistanê dê gelekî bi kêrî tirşikê werin..

kurdên ji bakurê kurdistanê dema mirov dibêje tirşik ferhengeke înteraktîv e an di format û konsepta ekşisözlükê de ye, cihde rol û fonksiyona tirşikê fêhm dikin lê kurdên ji parçeyên din ên kurdistanê heta mirov tirşikê jê re îzah dike nîvê ruhê mirov diçe, û bi ser de jî piştî meseleya îzahatê pirsa ê yanî? divê ez çi bikim, yekcarî dikute qûna moral û motîvasyona mirov de..