5. stranbêja ku ji aliyê kesinên nenas ve bi riya mesaj û smsan gefa kuştinê lê hatiye xwarin.. bi egera ku di klîba xwe de sembolên masoniyetê bikar aniye.. hêlan xanim jî -erê navê wê yê rastî ev e- dibêje piştî îdîayên xelkê min zanî bê masoniyet çi ye.. neyse muhtemelen ehmeqên ekstra msilman bi vê kerîtiyê ve rabûne û gefa kuştinê lê xwarine, ji ber hindê ez rasterast berê xwe bidime wan.. ê oxlim bi qewlê teyyîbê sergolik welew kî, sembolên masoniyetê bikar aniye, çi ji te re derd e, te çi jê ye, çi îşê te pê heye, çi kula dilê te ye?!



bi eslê xwe ji dihokê ye, hêj heft salî bi malbata xwe re bar kiriye îranê, ji wir jî bi riya tirkiyeyê çûne fînlandê, û ji wir bi tena serê xwe hêj 18 salî dil daye american dreamê û lêdaye çûye amerîkayê..



ji bo stran û vîdeoklîba wê ya pêşiyê ya bi navê risk it all yanî her tiştî bide ber çavê xwe, anku her tiştî bide ber bayê rÎskê, nikarim bêjim xweş û serkeftî ye, û di vîdeoklîba xwe de bi sehneya ku ligel lêvên xwe yên soravkirî û rûyê xwe yê boyaxkirî di nav cilên pêşmergetiyê de direqise anku biser navê reqs û dansê tevgerên spastîk dike, dilê min ji dinyayê xelandiye..