1. dêrşew navê gundekê girêdayî şirnex e. ev gundekê gelek mezin e, ji ber wê dêrşewî bûne wek eşîrek î. meseleyek wan û pîvazan heye. ev dêrşewiyên me gelekî hij pîvazan dikin, hema bêj di nav hemû xwarinên wan de pîvaz heye. li cizîrê di nav milet de ji çiyayiyan re dibêjin çiyayiyên pîvazxwer, di nav çiyayiyan de jî bi taybetî ji bo dêrşewiyan tê gotin. îcar min ji yekê deştelanî pirsî, min got ev çi meseleya pîvazxweriya dêrşewiyan e, çîroka vê çi ye? wî dest pê kir:

li gor gotinan demekî gundiyên dêrşewê dîsa keda xwe lev daye ji bo ku bînin bajêr(cizîrê) bifiroşin. keda wan jî hemû pîvaz in. îcar ev dêrşewiyên me sibê zû tên bajêr, diçin sûkê û dest bi firotina pîvazên xwe dikin. werhasil pîvazên wan hemû tên firotin. vêca karê wal xilas dibe dibêjin ka em ji xwe re tiştekî bikirin û bibin malê bixwin. pereyên xwe dikin destê xwe de dikevin nava sûkê, sûkê sero bino dikin, dawiya dawî dîsa tên ser pîvazan û bi wab pereyên ku ji firotina pîvazan qezenckirîn dîsa diçin pîvazan dikirin. û xwe lev didin, diçin nêzîkî dêrşew û raserî girekî disekinin, rûdinin û pîvazê xwe derdixin û dest bi xwarina pîvazan dikin, yek ji wan dibêje: de xwudê di wê sûka cizîrê de ji xeynî pîvazan tişteke dî ya xweş nebû, her pîvaz e.