1. Navê helbesta Kawa nemir ya li jêr e.



nizanim ji ber çi lê va rojên dawî her şev bi dengekî bilind li malê dixwînim. ewqas min xwand ku xwişk û birayên min ji hêdi helbestê ji ber xwe dibêjin. bê guman herî zêde sebrê diya min te. gava digihijim malê dibêje were serkîsof*



li deştên dipdirêj hespên çargavî

difnên wan hilma tivingên kurmancî

qerpûzên vala, bêhnefişk, misk û emberî

ji kîjan çaxê dibezin, dibezine kîjan dastanê

derwêş lê hiştin,

bi xwînê şûştin herasa meydanê

li deştên dipdirêj dîroka çargavî

li nava du tiliyên min cixareya biharê

dikişînim,

wezê nemirim,

pirsên min hene hê yek,

çiya dikevin bextê min yek jî, katjimêra serkîsof a kalikê min

dest hişkehişk li bijiyên kuriyên bayî

çawa jî şevekê ji çiyayên pinyanişî rabûye

hogiro, lo zar û zimanê mino

bi bêrîka êlegê min de ye mîrata te hê

neviyên te welatekî qerisî li serên xetan serma dikin,

min hembêz bikin kuliyên berfa zarokatiyê



zivistan'im çîrokên min di binê berfê de çil sal e dizivire, dizivire serkîsof/kawa nemir





http://www.youtube.com/watch?v=2yhztzazkka