1. bi navê xwe yê bi tirkî; diyarbakır İleri biyolojik atıksu arıtma tesisi.

projeyeke mezin û gewre ji bo dawerivandina ava pîs ya bajêr ku diçe diherike ser çemê dijîleyê.

li gorî vê projeyê ava pîs ya ku bi riya şebekeya kanalîzasyona bajêr berhev dibe, wê li vê parzûngehê ku li ser 20 hektar erd hatiye avakirin, were parzûnkirin, û ava paqij û parzûnkirî wê biherike ser çemê dîjleyê.

ji bo çêkirina vê projeyê 23 milyon euro bûdçe hatiye terxankrin, %85 ipa (Instrument for Pre-Accession Assistance, Navgîna alîkariya darayî ya berî beşdarîkirdinê), %6 wezareta bajarvanî û hawîrdorparêziyê û %9 jî rêvebiriya giştî ya dîskîyê wê bûdçeya vê projeyê bigire ser xwe.

proje di sala 2004an de destpê kiriye û dihat hêvîkirin ku sala 2014an temam bibe, lê 2 salên din jî dom kir û 2016an proje temam bû. proje li ser projeksiyona nûfoseka 1 milyon û 245 hezar kesî hatiye amadekirin û di rojekî de 175 hezar metrekûp av wê di vê parzûngehê de were parzûnkirin.

di çarçoveya vê projeyê de, wê barê giran yê ava pîs yê çemê dîjleyê sivik bibe, ji wan pîsîtayiyên ji avê tên parzûnkirin zibileke baş û bikalite wê bê hilberandin û ya herî baş jî ji gaza metan ya ku ji wê pîsîtayiyê çêdibe, wê kahrebe bê hilberandin û ji bo şixulandina parzûngehê wê ev kahrebe were bikaranîn.