Kategoriyan hilbijêre;
Tenê yên kurdî?:

Pêşîn yên:
Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:

23 mijar û 42 peyam
alien

alien

1. fîlmek ridley scott e. di sala 1979an de hatiye nîşandan. yanî li gorî îro, berî 39 salan...
lê li gorî dema xwe, xwediyê dîmenên gelek baş e. (mîna fîlma 2001: a space odyssey ku 11 sal berî wê hatibû kişandin) û ji ber vê yekê jixwe xelata oscarê standiye.
mijara fîlmê fezayî ne. keştiyeke lêkolîna madenan di peywira xwe ya dawîn de bi milyonan ton maden bar dike û dikeve ser riya vegerê. di nîvê rê de, ji gerstêrek nenas sinyalek distînin. ev sinyal her 12 saniyeyan dubare dibe. belkî s.o.s be. ji ber şertnameya karê wan, neçar in ku herin vê sinyalê kontrol bikin. ew jî wisa dikin û diçin wê gerstêrkê.
li wir keşfên ku heta niha nehatine kirin, dibînin. nifşek gelek bitalûke ya fezayîyan, rûyê xwe yê tirnak nîşanî wan dide û wan dixe belayê canê xwe.

fîlm xweş e. dema mirov bi psîkolojiya wan salan temaşe bike, gelek bandortir dibe. lê ger niha bi vî halê xwe jî weke fîlmeke sala 2016an bihata sînemayê wê zêde kêmasî bal nekişandan. ger weke fîlmek ya tirkan îsal bihata sînemayê, wê ji aliyê tirkan ve weke serkeftinek gelek mezin bihata nîşandan *

şert û merc û rastiyên wê demê nizanim lê di fîlmê de hinek bêmantiqî jî hebûn tabî. ji ber ku ev fîlmeke cîdî ya cûreya honaka zanistî ye, mirov dikare van rexneyan bike.

dema personelê wan yê yekemîn ji aliyê ajalek ve rûyê wî tê pêçandin. bertekên tîmê û planên wan wan gelek ehmeqane ne. ji dinyayek din ajalek êrîşî wan dike, lê ew wî heywanî distînin keştiya xwe û bêyî tu parastin û tedbîran tenê maskeyek biçûk didin ber devê xwe û hewl didin mûdaxale bikin. ma mirov natirse ku mîna hevalê wan, hema yek car xwe bavêje rûyê wan jî. an jî mirov fikir nake û ajal bireve. an jî nexweliyek jê belav bibe û hwd. ev tevgerên wan dûrî mantiqê bû. her wiha çima li laboratuvarê kamerayên ewlehiyê tune bûn? welhasil di şerê wan yê bi fezayîyan re de, bêmantiqiyên wisa hebûn lê dîsa jî baş bû.

min 87 pûan danê. fîlm di lîsteya imdb'yê de, di rêza 52ê de ye.

serlehengê fîlmê (ripley) sigourney weaver e. min nas nekiribû lê çawa ku jina min got tu zanî ev jinik kî ye? cî de hat bîra min ku ew jin e ku di fîlma avatarê de zanyarê botanîkê bî.

fîlm rêzeyek e.
1. (bnr: alien) (1979)
2. (bnr: aliens) (1986)
3. (bnr: alien³) (1992)
4. (bnr: alien: resurrection) (1997)

piştî van du fîlman, ev rêze û rêzeyan alien dibin yek, û bi vî awayî jî du fîlm tên kişandin.

5- (bnr: avp: alien vs. predator) (2004)
6. (bnr: avpr: aliens vs predator - requiem) (2007)

paşê rêzeya predator dîsa fîlmek serbixwe dikişîne di rêzeya xwe de;
7- predators (2010)

8- prometheus 2012 dîsa ji aliyê heman derhênerî ve (Ridley Scott) hat kişandin. ev fîlm behsa beriya fîlmên alien dike.

9- (bnr: alien: covenant) (2017) ji aliyê Ridley Scott ve hat kişandin.
04.01.2017 11:20 ~2018.02.04 20:56 | simurg56

Hemûyan Bixwîne

Xêra xwe vê peyvê ji îngîlîzî wergerîne kurdî
evsene
dengdanên dawîn (yên din..)
xabi alonso [1]
Di nav lîstikvanên fûtbolê yên efsanewî yên Spanya û (vbnr: Real Madri...
birçî çûna mêvaniyê [2]
ku bi hêviya xwarinê hatibe çûyîn û lê fikra xwediyê malê ne wisa be, ...
go on home turkish soldiers [3]
covera go on home british soldiers ku ji aliyê du şervanên (vb...
tirşik çima wekî çola saharayê vik û vala ye? [1]
(bnr: tirşik çima wek quora bûye forûm?) (bnr: formata tirşikê)...
levent gültekin [2]
yên ku nikarin bibin xwe, dikarin bibin her tişt....
belki ev jî bala te bikişînin
» aliens vs. predator: requiem
Kategoriyên mijarê::
nivîskarên ku li vê mijarê nivîsîne


sitemap
reklamokên beredayî