4. Leşkerek artêşa îngîlîstanê ye. Ji hêzên taybet yên îngîlîstanê emekdar bûye. Bi bernameya xwe ya " bi bear grylls re mirov li hember xwezayê" hatiye naskirin. Di her bernameyê de bi helîkopterê an bi wesayîtekî diçe derekî gerdûnê yê ku şaristanî lê tune û hewl dide bi tena serê xwe û bi kêrekî li jiyanê bimîne û xwe ji wî cihê kambax rizgar bike. Xwe rizgar dike jî.

Di nava bernameyê de tevgerên xwe digel ravekirinê dike. Car caran şîretan jî li bîneran dike. Taktîkên ku ji hêzên taybet yê keyaniya yekbûyî fêr bûye li qadê bikar tîne. Gelek bi avê zane û li hemû cûre avan de kare soberiyê bike. Bi dehan cûrê girêkan zane.gelek cûreyên agirpêxistinê zane. Li ser ajal û nebatan xwedî zanînên girîng e. Heya kîjan cûre beq bi jehrî ye û kîjan paqij e, ji rengê wan dinase. Ji aliyê tendurustiyê xwedî zanînek bingehîn e. Li hember bûyerên cîyawaz yên ku li qadê derdikevin pêşiya wî, bersiv û çareyên jîrekî û hêsan dibîne û çareser dike.

Gelemperî li cihên ekstremûm ji neçarî ajalên virçoqî û dilê mirov ji wan li hev dikeve dixwe. Beq, gumgumok, kulî, morî, ajalên mirî, jîjo, kevjingal, mar, tîmseh hama heçî afirîndeyê bi dest wî bikeve bêyî ku li cûreya wê binehêre, li ber çavê wî proteîn, çewr û karbonhîdrat dixuye. Carekî lê şahid bûm ku li çoleke fire û zuha ji tîna mîza xwe jî vexwar. Carekî jî tîmsehek nesla wê li ber qedandinê zevt kiribû û xwaribû. Ji loma ceza lê hatibû birîn.