2. `esr an bi kurdî berêvarî demeke rojê ye. Li gor îslamê dema ev dem hat li ser her bisilmanî ferz e ku 4 riket nimêj bike. Berêvarî rasterast beramberê vê peyva `esr ya erebî ye lê di nav civakê de nayê bikar anîn an di wateyên din de tê bikar anîn.

Berêvarî ango `esr dema wê ji wê kêliyê dest pê dike ku dema siya tiştekî an kesekî bu 2 qatê wê. Û heya roj biçe ava. Her dema ku roj ber bi ava here jî dirêjbûna siyê zêde dibe û ta wenda bibe.

Vêca piştî ewqas pêşagahî em werin ser vê meseleya gotina pêşiya ya ku mijar li ser hatiye vekirin. Vê gotinê min jî bihîstibû lê ne bi vî awayî. Birastî nizanim ev gotin tê çi wateyê. Temam mêrikê hur siya wî ya berêvarî dibe 2 qat û kêfa wî belkî tê, lê ev gotin kengî û bo çi wateyê tê gotin. Xwezî nivîskar ji me re rave bikira. Yanê dema gotinek pêşiya tê gotin wateyek şîretkirinê û kûr tê de heye. Lê min ji vê gotinê fêm nekir. Min nekarî wateyek jê derxim.

Mînak:

kevirê havînê bavê binê kadînê: beramberî gotina tirka ya "sakla samanı gelir zamanı" ye. Şîretek dihewîne û wateyek kur û mecazî heye.


mirov dimre qûna wî tije helaw dibe : beramberî gotina tirka ya " kör ölür badem gözlü olur" e. Yanê tê wateya ku dema mirov dimre qîmeta wî tê fêmkirin an dema tiştek ji dest here.


emê bêjin metê heya roja me tê : beramberî gotina tirka ya " köprüyü geçene kadar ayıya dayı demek " e. Yanê mirov heya karê xwe bi kesekî rast bike an heya girêka xwe li paş bixe wê bi zare şêrîn û bi ehlaqekî xweş tevbigere.


Lêzêdekirin:

Li ser vê meseleyê min îro gotinek konfuçyus dît ku weha digot: ger li welatekî siya mirovên biçûk mezin be, li wî welatî roj diçe ava dibe ku mijar bi vê gotinê re têkildar be.