31. li gel ku jixwe ferhenga herî mezin ya kurdî ye, dîsa jî îro gelek mezintir bûye.

bi alîkarîya bayesar, nêzikî 50.000 peyv li ferhenga zazakî-tirkî hatin zêdekirin.
hejmara giştî ya hemû peyvan bû: 489,818.

30. mixabin ji bo daxistinê girtî ye ji ber ku tê de kedek pir mezin heye.

28. Êdî Wergera biwêjên Tirkî jî dihewîne. Doh bi alîkarîya xendekî, ji 9.000 zêdetir biwêjên bi Tirkî lê hatin zêdekirin. Ji bo piraniya wan versiyona kurdî jî hatine dayîn.
Bi vê rojanekirina dawîn, ferhengên tirşikê niha nêzikî 445.000 peyv dihewîne.

27. ferhenga kurmancî zazakî/102702
"êdî yek ji ferhengên mezin yên beşa ferhengê ya tirşikê ango turkcekurtcesozluk.comê ye.
berî niha di vê ferhengê de tenê 100 peyv fîlan hebûn, lê vaye me nêzikî 46.000 peyv lê zêde kirin û niha tê de 46.004 peyv hene.

li ser înternetê ferhengek jê mezintir tune di warê kurmancî-zazakî de. ser xêrê be.

bi vê gavê hejmara giştî ya peyvên di ferhengên tirşikê de jî bû: 438.247"

spas ji bo darînê daryo, xendekî, azadixwaz, bayesar, ferhenga şikestî, azadixwaz, berxweda û endazyar.

26. rojanekirin: 1000 peyvên bingehîn yên îngîlîzî, hatin wergerandin û li ferhenga îngîlîzî-kurdî hatin zêdekirin. ger ev peyv jixwe hebin, hatin rojanekirin.
dawîya dawîn, hejmara peyvan 300 zêde bû.

24. Agahî; bi saya keda bayesar bi qasê 8.000 peyv li ferhenga tirkî-zazakî hat zêdekirin.
(berî niha di wê ferhengê de jixwe tenê 170 peyv hebûn, ji bo ceribandinê.)
hejmara giştî ya hemû peyvan jî bû 392.105.
Spasî ji bo bayesar.

21. li benda alîkariya tirşikvanan e.
em dixwazin ferhenga kurmancî-zazakî fireh bikin. armanca me ew e ku bi qasê 30-35 hezar peyvan lê zêde bikin. ji bo vê yekê alîkarî lazim e. kesên ku dixwazin/dikarin alîkarî bikin, dikarin xwe bigihînin min.
ez ê ji wan re peleke word'ê bişînim û ew ê jî vê pelê sererast bikin. weke mînak belkî 50 an jî 100 rûpelan fîlan.
ji kerema xwe re yên ku wê teqez bikarin bikin, bila xwe bigihînin. ger na, kar tevlîhevtir dibe û dereng dimîne.
li benda we me.

20. li ser înternetê ferhenga herî mezin ya kurdî-îngîlîzî dihewîne

bi lêzêdekirina zêdetirî 6.000 peyvên nû, hejmara peyvên di ferhenga kurmancî-îngîlîzî de bû 12.000.

19. agahî: 3.016 peyvên nipûnû li ferhenga kurdî-îngîlîzî hat zêdekirin.



peyvên di ferhenga kurdî-îngîlîzî bû: 5.820

17. beşa ku îro tê de guherînek gelek gelek mezin çêbûye. bi lêzêdekirina nêzikî 100.000 peyvên kurdî-kurdî, ferhenga kurdî-kurdî bû 112.860.

hejmara giştî ya hemû peyvan jî bû 259.928.

çavkaniya peyvên nû, wîkîferheng bû.



bi vê gava dawîn, piştî ferhenga tirki-kurdî, ferhenga kurdî-kurdî jî em dikarin bêjin ku êdî %99 bêkemasî ye. jixwe hûn li ser înternetê nikarin ferhengek ji van mezintir bibînin.



piştî van ferhengan, niha wext e ku em zêdetir bala xwe bidin ferhenga îngîlîzî-kurdî. ferhenga me ya îngîlîzî 17.430 peyv dihewîne û di înternetê de yê herî mezin e dîsa. lê li gel ku yê herî mezin e, dîsa jî tê de gelek gelek gelek kêmasî hene.



ji bo pêşvebirina van ferhengan, alîkariya we pêwist e.

weke hûn zanin, her nivîskarê tirşikê dikare alîkariya ferhenga îngîlîzî bike: Here lînkê



an jî qet nebe, hûn dikarin şaşiyên di ferhengan de, ragihînin me.

16. beşa ku bi lêzêdekirina nêzikî 2.800 peyvên nû, ferhenga wê ya kurdî-kurdî guhaye 14.131 peyvan.

15. bi lêzêdekirina nêzikî 2400 peyvan, piçeke din mezintir bû.

îro 2400 peyv li ferhenga kurdî-kurdî hat zêdekirin û di vê ferhengê de hejmara peyvan bû bi qasê 11.300.

dema xebata di vê beşê de qediya, wê texmînî bibe bi qasê 30.000.

hevalên ku dixwazin, dikarin ji bo alîkariyê têkilî bi min re dênin. gelek hêsan e, lê mijûlahî ye.

14. her ku diçe berfirehtir dibe û wê ev berfirehbûn berdewam jî bike.

îro 2700 peyvên nû li ferhenga kurdî-kurdî zêde bû. 500 ji min 2200 ji xendekî.

13. ferhenga ku êdî di rûpelek/hilpekînek nû de vedibe.

12. ferhenga ku jixwe piranî bi dîjîtalîzekirina ferhengên çapkirî hatiye çêkirin. û ev pêvajê hê jî didome. lê divê tirikvan jî dema di ferhengê de nekarin peyvek bibînin, wê peyvê lê zêde bikin.



ji ber ku ferhengên çapkirî jî têra xwe ne baş in. û weke mînak mirov ferhengên du çavkaniyan li hev zêde dike û lê dibîne ku %80ê peyvên wan weke hev in.

ji ber vê yekê sererastkirinek gelek mezin jê re lazim e ku kesek tenê nikare hilgire ser xwe.

7. ferhenga taybetiya lêgerîna "nav wateyan de" jî lê har zêdekirin.

ji ber ku piraniya ferhengên heyî ber bi kurdî ve wergerê dikin. weke mînak di ferhenga tirkî-kurdî de nêzikî 65000 peyv hene lê di ferhenga kurdî-tirkî de 6.000 peyv hene. ji ber vê yekê dema mirov li peyva "hebandin" digeriya, tu encam dernediketin. lê di eslê xwe de ev peyv di wateya gelek peyvên di ferhenga "tirkî-kurdî" de hebûn, lê weke encam dernediketin ji ber ku ev ferheng ji tirkî ber bi kurdî ve wergerê dike.



lê êdî dema mirov li boşkojka "nav wateyan de" bitikîne, peyva lêgerînê di nav wateyan de jî tê lêgerîn û bi vî awayî mirov dikare ji bo "hebandin"ê gelek encam bi dest bixe.

4. Ferhenga ku;

Ger kesek ne endam peyvek bisîne, ev peyv bi navê anonîm tê qeydkirin û dimîne li benda kontrola moderatoran ku were wesandin.

Ger tirsikvanek peyvek bisine, ev peyv bi navê vî tirskvanî tê qeydkirin û dîsa dimîne li benda kontrolkirina moderatoran.



Ji ber ku heye ku hinek tirsikvan peyvan li gor formata ferhengan bisînin, divê heyv were kontrolkirin. Dawiya dawîn, pêwist e peyvên ki ferhengê, sîrove û nêrînên tirsikvanan nehewînin.

1. beşek nûpûnû ye. bi guhertoya 2.4.8 ya sîstema nû ya tirşikê, ket weşanê.

https://www.tirsik.net/ferheng



sîstema ku weke gava destpêkê, li wergerine.com/duziman hatiû weşandin, niha komple hat nûkirin û niha di weşanê de ye.

vêga hemû peyvên di turkcekurtcesozluk.comê de hatin veguheztin.



di vê sîstema nû de gelek fonksiyonên bû hene;

- ferheng di mobîlê de bêproblem dixebite

- di lêgerînan de mirov dikare zimanan hilbijêre û di zimanên ne hewce de lêgerînên beredayî neke

- hemû tirşikvan dikarin bi hesabên xwe têkevin sîstemê û peyvên nû lê zêde bikin

- hemû tirşikvan dikarin di binê peyvan de şîroveyan bikin, ji bo bikaranîna peyvan mînakan bidin

- fonksiyonên "peyvên dawîn" û "lêgerînên dawîn" hatin çêkirin.

- moderatorên tirşikê dikarin "peyvên ku li benda weşanê ne" bibînin û wan têxin weşanê

- mêvanên ne-endam yên ferhengê jî dikarin peyvên nû bişînin. (ev peyv dimînin li benda erêkirina moderatoran)

- moderatorên tirşikê dikarin peyvan rast bikin an jî ji weşanê rakin.

- tirşikvanên hêja dikarin peyvên ku wan bixwe lê zêde kirine, rast bikin.



wê pêşketina wê bidome. ser xêrê be.

(malpera turkcekurtcesozluk.com wê di weşanê de bimîne, em dikarin navê wê biguherînin û paşê bi vê ferhenga nû ve girê bidin. em li benda nêrînên tirşikvanan in)