1. kozmolog, astronom, fîzîkzan, nivîskar û teorîsyeneke îngîlîz e, sala 1942an li oksfordê hatiye dinyayê, li ser mekanîka kuantumê, big bangê û şêweyê çêbûna gerdûnê tez û teoriyên wî yên fantastîk hene.. destpêka salên 1960an hêj 21 salî bi nexweşiya alsê ( Amyotrofik lateral skleroz) ketiye, evê nexweşiyê hemû sîstema demarî (nervous system, sinir sistemi) ya wî têk biriye, ji ber vê nexweşiyê nikare pêdiviyên xwe yên fîzîkî pêk bîne, lê aqilê wî zirar ji vê nexweşiyê nedîtiye ji ber nexweşiyê li ser kursiyê astengdaran dijî, sala 1985an dengê wî jî çûye, ji bo pêdiviya xwe ya axaftinê û têkilîdanînê jê re sîstemeka kompîtirê çêkirine û bi kursiyê wî ve kirine, di bîra vê kombersê de 2600 peyv hene, stephen hawking dema hest bi tiştekî dike, an dixwaze biaxive pêl haleta elektronîk ku parçeyek ji wê sîstema kombersê ye, dike, di deqeyekî de dikare deh peyvan binivîse, ew sîstema kombersê jî wan peyvan vediguhêze dengan..

ligel nexweşiya xwe hê jî di warê astronomî û astrofîzîkê de wekê otorîte tê qebûlkirin, pirtûkên wî yên di vî warî de nêzikê li çil zimanan hatine wergerandin..

li gorî nûçeyekî, ji devê wî tê gotin ku bi qasê 1000 salekî emrê dinyayê maye, dibêje mirovahî divê li gerdûnê ji xwe re koloniyan ava bikin.. dema min xwend kurdistan hat bîra min, ez ditirsim ku tam wê roja kurdistan ava bibe, qiyamet rabe û dinya serûbino bibe.. *