13. bûyera ku canik û camêrinên ku hê jî format û konsepta tirşikê fêm nekirine derxistiye holê.. erê tirşik ekşî ye yanî hetta we bivê tirş û tehl e û xwar e û ji xwe bi qewlê bav û bapîran kumê rastiyê jî timî xwar e û tirşikê formata ekşisözlükê ji xwe re kiriye mestere.. tekane ferqa tirşikê ya ku wê ji ferhengên înteraktîv ên din yên wekê ekşiyê cuda dike kurdiya wê ye..

bi qasê ku min fêm kiriye camêrnin dixwazin ku ev der bibe cihê pesndana partî û rêxistinekî ku xwe wek nimînerê gelê kurd dibîne û dihesibîne.. ez naxwazim dilê tu kesî ji tirşikê bihêlim lê tirşik ne der û deverek wekê ku hÛn difikirin e.. ez bi xwe misilmanek dîndar û mûtedeyyîn im û rojê pênç danan nimêj dikim eger canik an camêrek rabe û dijûnan bike pêxemberê îslamê mihemed pêxember ku ez wekê pêxemberê dawîn yê xwudê qebûl dikim û dînê ku aniye dihebînim ez bi xwe ji xwe re nakim xem û eleqeya xwe jê çênakim.. çimkÎ ne hedê min e ku ez rabim û berevaniya pêxemberê xwudê bikim.. bînin bîra xwe sala ku mihemed pêxember tê dinyayê waliyê yemenê ebrehe ji bo ke'bê birûxîne artêşekî ji fÎlan dadimezrîne û ji bo êrîş bibe ser mekehê li dora bajarê mekehê kon û xîvetên xwe vedide.. di wê heyamê de artêşa ebrehe rê li ber çend karwanên malmezin û giregirên mekehê dibire û karwanên wan dişelîne.. karwanê bapîrê mihemed pêxember, ebdulmuttalîb jî di nav wan karwanên hatîn şelandin û talankirin de ye.. ebdulmuttalîb tê haf û hizura ebrehe û dewa deveyên xwe lê dike ebrehe şaş dimîne dibêje ez hatime ku ke'bê birûxînim tu têyî behsa deveyan dikî.. ebdulmuttalîb jî dibêje ez xweyê xwe û deveyên xwe me xweyê mekehê û ke'bê jî heye û wê ji êrîşan biparêze.. xwudê jî bi çûkên ebabîlê êriş dibe ser artêşa fîlên ebrehe û wan dihelikîne..

dîsa bînin bîra xwe demekî du xatûn derketibûn ser bernameyeka tvyê û digotin ''eger tiştek newê serê me em dixwazin bêjin ku em hej atatürk nakin..'' yanî meseleya hejênekirina öcalan di nav sempatîzanên pkkê de ji îhtîmala hejênekirina atatürk ya kemalîstan jî wêde çûye.. biracan ez bi xwe hej öcalan nakim û sed keriyên min ên pez hebin ez öcalan nakim şivanê keriyekî tenê jî.. li gorî min öcalan ji roja derketiye û heta niha her li ser heman xeta çelexwarî dimeşe.. li gorî min bi qasê misqalê zerê kurdîtî û doza kurdistanê ne bi xema öcalan ve ye.. ez zanim hûn ê rabin bêjin nexwe çawa û çima ew qas zehmetî û nizanim çi daye ber xwe.. ez ê bêjim kîkan zehmetî.. nekenin û nebêjin ber çavên te bigire.. ji xwe camêr bi nivîs û beyan û polîtîkayên xwe rojê pênç caran mebesta xwe eşkere dike.. lê wek meseleya baqê nîskan yên çavên xwe ji rastiyê re girtîn û yên ku bi xwe re nabînin ku fikra xwe biguherînin zehmet e ku mirov tiştekî bi serê wan bixe..

anyway.. yanÎ çi? yanî tirşik tirş e û bi kurt û kurmancî îhtîmal e ku qebûl û qalibên we berovajî bike..

10. bûyera ku di tirşikê de bûye sebeba bêdengiyê.. failên bûyerê xwe li kerrî û laliyê danîne.. tirşik xalî û virt û vala hêliştine.. ez jî tê de fikr û beyan û peyamên her nivîskarekî wî/wê bi xwe eleqedar dike.. piştî ku moderatoriya tirşikê mêzgirî û hewedariyê neke ne heqê tu kesî ye ku bêje di tirşikê de filankesî bêvan tişt gotiye û xwe bide paş perdeya hêncet û mahneyan û bêje dilê min ji tirşikê sar bûye an ez êdî nema dinivîsim.. peyamên tijî çêr û têr heqaret yên ku bi peyamên şexsî ji min re hatîn ez li vir binivîsim ez bawer dikim ku devê her kesî wê şeş gazan ji hev bimîne.. lê min tu carî negotiye lanet li tirşik û nivîskariya wê..

8. min lep û pençên xwe neavêjtine tu kesî min bes berevaniya xwe kiriye û bersiva îdiayên derheqê xwe de daye.. ev rastiyek beloq û berbiçav e ku di nav nifş û jenerasyonên nû yên kurd de pişkek heye ku zêde zirz û serhişk e bi ya tu kesî nakin û pakiyê ji tu kesî nakin û hemû zilm û zordarî û neheqî û heqareta ji destê dewletê dîtin ji xwe re kirine kÎn û rik û eks û acizî û bêhntengî û bêtehemûlî û hildiperişkin ser serÛçavê xelkê.. tehemûl Û toleransa wan ji tu fikr û nêrînên cuda ji yên din re nîne.. tu dibêjî apo di parastina xwe ya di mehkemeya tirk de gotiye ''diya min jî tirk e, ez lêborÎnê ji hemû dêûbavên eskerên şehîdketî dixwazim û amade me ku ji bo saxî û silmaetiya dewletê çi bikeve ser milê min bikim..''û ev e jî belge û dokumnetên wê bi ser milê xwe re nabin xwe aciz dikin û dibêjin tu bi usul û uslûba dewletê diaxivî tu xayîn î û tu xwefiroş î tu mastfiroş î û nizanim çi û ne çi.. canik û camêran replÎkek ji devê hevalên xwe yên kemalîst û ulusolcu girtine û heta êvarî birbira wan e ''ne ji apo û nizanim kê bûya niha navê me hemûya tolgahan û alper tunga û sudenaz bû me nedikarî em bi vî rengî bêtirs û perwa bi kurdî biaxivin û binivîsin.. '' tişta ku ji van canik û camêran re edet e ji xelkê re qibhet e.. dikarin li ser platformên xwe heta êvarî bi dijûnên nebihîstî û nebînayî tu sitar û mehwarê li bin navên muxalÎf yên wekê kemal burkay û ibrahim güçlü û mesud barzanî û şivan perwer filan nehêlin lê dema xwelÎserek rêya xwe şaş bike û ji serok û rêberên taxima ku digirin re tiştekî bêje cihde û bi dest xwe re xwe dîn û har dikin û dest bi destanên ''kurtuluş savaşı''yê dikin.. erê we tenê berdêl da, dema ku li serê çiyê û di hebs û zindanan de we li ber xwe dida me di kaşana û villayên xwe yên li ber behrê de bi keçikên porzer û çavşÎn re vîskiya xwe fir dikir..

kî dinivîse û nanivîse bi kêfa xwe ye ez bi xwe bes admînek im û kengê ji min bê xwestin dikarim dev ji admîniyê berdim û dikarim dev ji nivîskariyê jî berdim.. bi admînî û nivîskariyê heta niha ji xeynî çêr û dijûn û heqaretên bi peyamên şexsî tu tişt bi destê min ve nehatiya û li ser bêjinga min neketiye..

di nav karûbarên xwe de heta ji min tê wextê xwe yê vala ji bo tirşikê dimezêxim ji ber ku ji bo siberoja kurdî ez tirşikê wek gav û pêngaveke gelekî girîng dibînim.. filan..

2. mixabin ev rewş yek ji taybetmendiyên karakterîstîk yên sempatîzanên pkkê ne.. pirraniya wan ji hebûna rexneyan û ji îronî û qerineyan bêhay û bêxeber in.. ji ber ku nikarin hiş û aqilê xwe bikar bînin dest davêjin xirrê xwe û heta êvarê li xwe xweş tînin.. wextekî kêmaqilek ji vê nifşê di tirşikê de ji ber ku min ji bo keveserokê kckê murat karayılan gotibû xwîna min lê ditevize yanî kêfa min jê re tê tu nemabû ji bo min negotibû.. yanî ne bi gotinên xelkê lê bi qebûl û qalib û şaştêgihiştinên xwe tevdigerin..

lê ji ber çend kêç û mêçên wiha devçarox şewitandina kulîna nivînan jî ne îşê aqil e..