32. berê li zanîngeha artukluyê bû dibêjin ku hatiye zanîngeha dîcleyê..

23. min ji bo albûma wî ya nû gelek tiştên xweş hêvî dikirin, lê hêviyên min di ber min de man.. birîn û kavo ne tê de hema bêje hemû stranên din yên di albûmê de nayên avayê.. piştî jahr û wendayê, birîn ji bo min xeyalşikênek mezin bû.. lê çavê min ji mehmet atli ziwa ye, pişta min jê rast e muhtemelen bi xwe jî ji albûma xwe ya dawîn ne xweş e û di demeke zûtirîn de wê vê şikên û pûçderketina hêvî û xeyalên hejêkirî û guhdarên mûzîka xwe telafî bike..

heta hingî bi selîmo îdare bikin;

vîdyoyê veke

19. û ji lînka jêr heçiyê dixwaze dikare sohbeta wî ya li ser açık radyoyê ya bi naim dilmener re guhdarî bike;

vîdyoyê veke

18. piştî albûma wî ya sêyem min di ber xwe de go; xwezî bi stranên gelêrî, xwezî bi helbestên arjen arî û heft xwelî li serê stranbêjên ku nedizanin bi kurdî biaxivin û nedizanin gotinên stranan binivîsin..

17. çend stranên wî yên ji albûma sêyem ya bi navê birÎn ketine ser youtubeê.. ji xwe hêj albûm derneketî kavo û birÎn ketibûn ser youtubeê Û ruşda xwe selimandibûn, van çend rojên dawîn çend stranên dÎ yên ji albûmê yên wekê karanfil eker misin, pêşiya malê, gula ber bîna min, talde jî ketine ser youtubeê.. min guhdarî kir kêfa min ji herdu stranên ewil, karanfil eker misin û pêşiya malê re hat, gula ber bîna min jî ne xirab e lê talde biçekî zêde amator dixweyê û ne gotinên stranê û ne jî mûzîk û melodiya stranê, çênebûye..

mehmet atlı - pêşiya malê;

vîdyoyê veke

12. li gorî kurtepistên kulîsên fakûlteya mîmariya zanîngeha artukluyê, albûma wî ya sêyê ya solo di rê de ye.. kemal varolê şair ê hemşeriyê wî jî wê rojê li ser hesabê xwe yê facebookê gotibû; min guhdarî çend stranên ji albÛma nû ya memet atlı kir, ya rebbî şikrê te hemdê te ji bo dengê mehmet atlı!



nimûneyek ji albûma nû;

vîdyoyê veke

9. (bnr: birîn)

2. rûyê hêvî û ronahiyê ye ji bo siberoja mûzîka kurdî ya modern.. ne tenê bi dengê xwe yê xweş û şîfonî herwiha bi stîla xwe û bi cihdan û qedirandina helbestên şairên kurd ya di stranên xwe de jî gavek du gavan li pêşiya stranbêjên hemta û hempîşeyên xwe ye.. tevî mûzîsyeniya xwe eger ez ne şaş bim li zanîngeha artûklûyê di beşa avahîsazîyê de jî akademîsyen e.. heta niha beşdarî çend aheng û konsertên vî camêrî bûme û bi dilek saf û paqij dikarim bêjim ku performansa wî ya ser sehnê ji ya qeydên stûdyoyê sed qetî xweştir e.. ji albûma xwe ya dawîn ji bo stran pismamo -ku beşek ji helbesteka cegerxwîn e- vîdeo-klîbek ku ji ber dîmenên kurtefîlma derhênerê kurd arîn înan arslan ya bi navê sî û bayê hatiye girtin amade kiriye.. dema mirov darî vê vîdeo-klîbê bike ne mimkun e ku xwe ragire û negirî..