8. tibba alternatîf tune ye, tib heye.
tib ew beşa zanîstî ye ku li ser laşê mirovî lêkolînan dike, li ser laşî hûr dibe û piştî daneyan digêhje qinyatekê, bi ceribandinan jî rÊya xwe zelal dike. laşê meriv jî wek xwezayê ye. yanî çawa ku fîzîk û bîyolojî bi rê û rêbazên xwe nêzî gerdûnê dibe tib jî bi rê û rêbazên xwe nêzî laşê mirovî dibe.

ji peyva alternatîf qest jê ew e ku nexweşî û rewşên ku em bêjin tib çareseriyekê jê re nedîtiye bi rêyên cuda yanê alternatîf, peydakirina çareserîyan e.
wek min got tib zanîstî ye her gav bi metodên xwe lêkolîna xwe dike. ew jî tê wê maneyê ku eger ku giyayek an rêyek û rêbazek an jî dermanek ji nexweşî an rewşekê re baş be jixwe dê bikeve lîteratura tibbê jî. tiştê ku bikeve lîteratura tibbê êdî em jê re nikarin bêjin alternatîf.

em bêjin ku sîr ji bo weşîna poran baş e, yanî sîr rê li ber weşîna poran digire; eger bi ceribandin û tecrubeyên pisporan bêtê ispatkirin jixwe farmakolojî bi xebatên laboratuarÊ dê dermanê wê bi maddeya pêker*yanî bi sîr çêbike. û bi maqaleyan bête belavkirin ku sîr bo sihheta poran başe. hingî ku sîr bikeve lîteraturê êdî em nikarin bêjin sîr tibba alternatîf e.