1. li gorî kesên ku ji misilmanîyê bawer dikin, ne utopya ye. li gorî misilmanan, ol û sîstemeke bêkêmasî ye. Bİ NÊRÎNA WAN VE, her çiqas, bi aliyê dewletên misilmanan VE şaşiyên girîng bên kirin jî, divê ev şaşiyana bi misilmaniyê û bi qur'anê ve neyên girêdan. bi rastî jî, ev nêrîneke mafdar e. lê bi ya min, dema ku fikrek di piratîkê de şaş be, çima hemû bawerkarên wê fikrê, ramanên xwe bi vê hevokê ve diparêzin. ev rewş ji bo komunîzmê jî derbasdar e. hemû kesên komunîst, ramanên xwe bi vî avayî diparêzin û dibêjin "di rastîyê de komunîzm başe, lê mixabin dewletên komunîst, komunîzmê rasterast tetbîq nakin. bi sêrî de ez tê de, eger em misilmanîyê biparêzin jî, rexne jî bikin divê em nebin murîd û li ser vê rewşê jî bifikirin. gelo şaşî di teorîyê de jî tuneye? gelo bandora şaşiyên teorîyê, li ser pratîka misilmanîyê heye an tuneye?



ez ji xwe bi aliyê teorîyê de jî zêde ji misilmaniyê bawer nakim, ev fikra min xwe ye, dibe ku şaş bim jî. lê xwe de bike ez şaş bim û pratîkeke misilmanîya rast rojekî min di şermê de bihêle.

2. ûtopyayek tune ye. misilmanî nabêje wisa û wisa bikin, da ku hûn bigihijin dinyayek bêkêmasî û ûtopîk.

berevajî, misilmanê dibêje ku xerabî jî ji xwedê tên û divê mirov hember van tiştan têbikoşe û ji ya xwe neyê xwarê. misilmanî dibêje ku ev dinya, cihê azmûnekê ye û loma ji bo dinyayek ûtopîk divê hûn li benda bihûştê bin.

yanî li gorî îslamê li vê dinyayê têkoşîn heye lê rihetî ne garantî ye.

3. dîstopyaya hinek kesan e.

ji mirovê misilman re ê ku bi her awayî jê bawer kirî û şertên wê tîne cih re, belkî utopya be lê ji kesên ne bawer û ji kesên ne misilman re dîstopya ye.

4. bi qewlê fethullah gülen, li her der û devereka dinyayê gerandin û belavkirina î'laya kelîmetullahê ye.. di we'zeka xwe de dibêje em ê namê celîl ê muhemmedî li her cihekê ku roj lê hiltê û lê diçe ava bigerînin.. http://www.youtube.com/watch?v=LP8Xvmne5z0 (haj xwe hebin, bi we'zekî hûn nebin fethullahçî * )