1. Ji bilî çend kesên hêja hemû kurd in. Heçî kurdê karê wî hinekî baş dibe an dikandariye dike pêşî hejmarên kurdî diterikîne. Hingî kes hejmara bikar nayîne û zêde ji hev fêm nakin vêca hejmarên tirkî bikar tînin. Weke mînak li înşaatê û li dikana hoste hemû navên alavan û pîvanên wan bi tirkî zanin û bi tirkî dibêjin. Ji ber ku ez jî di nava karê avahiya de me, ev yek pir bala min dikşîne. Heman rewş bo rengên kurdî jî derbasdare.

Îja dema ez hejmara bi kurdî dibêjim, devvekirî li min dinehêrin. Dema hesaba ji min dixwazin, bi kurdî dibersivînim vêca ji ber hejmarên kurdî baş di heşê wan de rûneniştiye û hemû hesabên xwe bi tirkî dikin, disekinin û difikirin. Paşê ji min re tirkiya wê dibêjin. Heke erê bikim dibêjin temam û hêj nû dilê wan rehet dibe.

Axir hejmarên kurdî ji çend hesabên hêsan û ji jimareka pê ve bikar nayê. Hesabên komleks û dirêj bi tirkî tê kirin.