1. Li gorî ku em ji kurdologên kurd û yên biyanî hîn dibin,kurd di dîrokê de gelek alfabe bir kar anîne.Şopa bikaranîna alfabeyan heta beriya zayînê jî diçe.Li gorî agahîyên li ber destê me alfabeya ku kurdan pêşî bi kar aniye,alfabeya mîxî ye. Nivîsa mîxî ji hêla sumeran (b.z 3500-2000)ve hatiye dîtin.Kurdistaniyên berê yên mîna herî,mîtanî,kaşî û qewmê med ev nivîs xebitandine û li gorî hejmara tîp û dengên wê ,kêm an jî zêde kirine.Medan gava dest bi xebitandina vê nivîsê kirîye tîpên wê 36 bûne.Wan li gorî fonetîka xwe 6 tîp lê zêde kirine,bi vê zêdekirinê,hejmara tîpan gihaştiye 42’yan.Ango pêşîyên kurdan ev sîstem li gorî tevayî dengên xwe xebitandine.Li gorî hazim hacanî belgeyên herî kevin ku bi nivîsa mîxî bi zimanê kurdî hatine nivîsandin û gihîştine roja me,hinek keval in ku behsa tofana Nûh dikin.Ev keval niha di “muzeya londonê ” de tên muhafezekirin.