1. zeviyekê dîrokê ye ku bala xwe ji ser hanedan û şer û serkeftin û hilweşandina dewletan dikişîne, berevajiya dîroknasên piraniyê bûyer û rewşên girêdayî mirovên ji rêzê dike mijarên xwe. heke pêdivî hebe wê demê wekî mijarekê alîkar serî li mijarên din dike ên ku bala xwe ji wan qût kiribû. wekî dîroka jinan, dîroka xwendekaran, dîroka çandinê, dîroka masîvaniyê, dîroka modayê, dîroka kovaran, dîroka feqîr û belengazan, dîroka xeber û galgal û sixêfan û hwd.

her diçe, kêfa min jî ji vê tê. qey ev encama salmezinbûnê ye. lê êdî tu bala min nakişîne ka ev şer çawa qewimî, ev hanedan çawa hilweşî, ev bajar çawa ava bû filan û bêvan. êdî dixwazim zanibim mîsal mirovekî cotkar ê bêdlîsa sedsala 16an çawa jiyaye û çi kiriye, çi li xwe kiriye hwd. loma êdî geh li youtubeê geh li spotifyê her tim van bernameyan guhdarî dikim ên ku van mijaran ji xwe re kirine kul û derd.