7. Ji ber ku green e, teqez tişteke Baş û rehet e ez dibêm. green yek ji çend Peyvên îngilîzî yên ewil bû ez fêr bibûm. Ew green navê pîzzafiroşekê bû bo min di sala 1994an de li Amedê (bnr: geen house). Pîzza her çiqas tu bêjî xwarina îtalîyan e jî, li dya bibû binav û deng û ji wir wek fast food belav bibû li hemû dinyayê. Û xwe gihandibû amedê jî. Îro em ji wan xwarinan re dibêjin fast food û li her derê tên dîtin. Bandora amerîkî li ser me bû wê çaxê. Wan salan ezê teenager di nav xeyalan de bûm. Solên basketballê ên bi pump dihat lixwekirin. Strana informer lê dixist. Koma metallica û şewqaya ser de “metallica” nivîsî hebû dihat dîtin li kuçeyan. Heta pir hindik be jî, bandanaya li ser jean girêdayî jî hebû. hiphop ketibû kuçeyên amedê. Gelek xortên pir xweş Hiphop dilîstin hebûn niza’m ji ku ve hatibûn. Di Salên 1990an de xewna amerîkî gazî min dikir, neçûm. Di salên 2000an de careke din gazî min dikir, dîsa neçûm. Di salên 2010an de deng jê nehat, Niza’m çima. Îsal (2022) dîsa ket bîra min. Bi rêya Green card an bi rêyeke din. Azadî an bindestî? Xewn e an rastîn? Hûn biryarê bidin! Ez, wek martin luther king jr., I also have a dream that one day …