80. Na bavo na lazim

Pêwendî nedî ji min dixwest mamostetî
Helbestên wî tije melankolî
Serê wî hişk
Nakev tîşk
Destpêkir bi bêhûde
Domandina wî, bêmal e
Diqedand bi, her tişt bêwate
Reben naxwaz bihişt
Nav axa sar xwe hişt
Rehma xwedê li wî bî

78. ma dawiya şorbê nayê ?!

Ma bi req te fêm kir heq
Bêjingê cuda kir biwec û bêwec
Ma te Berjewendî têde nedî?
Binêr derdor
Binêr dewlemendî:

Bilindbûn ciqas lê tê
Dibe ciyaye bi tenê
Ava qudret hey jê tê
Hevalek jê çêtir da bo fenê
Di tê de ma tenê pozbilindî bi zêdeyî,
Pîs e nijadperestî

Ji goşt çêtir be, aqil di pêş de,
Hê te nedî tac-an?
Mîna şêran?

Mezinbûn nayê pîvan
Daketin tunê, tenê hilkişan
Digerî mexsedan?
hilbijêr zehmetkêşan 
Guhdarke mana peyam

Li Cihan cûr bi cûr peyda dibin êş,
Tev jihev cûda, herheyî ey 'kêş'

Ê yê ku li hev şibî:
Hew bextiyarî,
mîna cêwî

Kes nizan bi barê hevalan
Lewma: Qazî neke, Mihemedê Xerbî,

Ha ji te rê bi hişyarî
Kurdino! bibin yek! ger hûn nebin yek,
hûn e herin yek bi yek

Te go okey?
Min go: gul şîn dibin ser kokê

76. Bi navê rû ken

Hat hê hat
Bi lotikan dihat
Dengê tirşik, nîsk û şorban jê dihat
Tîpên kurdî hey direqisand

Lê dît, pênûs û awaz nabin mîras (daxwaz)
Bo xelkên nîgeranî
Bingeh tev dilgranî

Ducar, carcar, hercar
Yekî di xew de nabe şiyar
Birûsk, tofan dilerizînin insan
Di Hundirê çirkekî
Dil ne mirî

Hew qas temenê jiyana te
Dema ku bêwate

Ro bi tenê bêhûde
Yanî yek bê yek
Nabe ti tiştek
Lê yek bi yek dibe kurdistanek


(bnr: wek tirşikvanek di malpera tirşikê de)

74. ji me re behsa bêhûde neke heval

hê çomez e,
dilê wî tijî, giran û bext rijî
pir di waswasî de mayî,
şikir nema zanî
çavan digerin li kesên bextewarî,
an ji acizî ber hêviyên nivîsên kêrhatî
bela xwe tînî ji dayikan kurdewarî,
hêê ew e suxtê, feqî
di medresan de nemayî
nizan bi zimanê evîndarî

tu dibêjî bêwate,
godar ke xizan
mijûl im bi gihayê hewşê,
hebkî talbûn li xwe dikim ferzê
da ku bizanibim bi tamê dimsê.

zehmetkêşan, baran, xwekuj
nebûn para te giş tûj
ber xwe dan e
jiyana hemû kesan e

di fikrê de bes perçe ke,
spî û reş-an - bi hewl dan
mandîkirî,
giş derizand,
kir zindan

bihêl esman
bistîn û berd'
nefes

bihêl sahî û semal

70. hinek ax

Dem diçe, wext dere, salên paş, ne bi kaş.
Ber neynikê, rûyê nas, tev qirmiçî, ro bi ro.
Çerm dikeve,
Radikêşe,
Jêr, ne têr.
Êdî mayî ber xwe nade,
Bê qewet.
Bê taqet.
Xwe teslîm.
Ditewîne xwe ber rûyê demê.
Xwe îkmal kir ji - (gelê - erdê) - dewletê

69. tenêbûn

Hem aqil û aşopî
Bê sinor û sivik
Valagehik bê derî
Derî nakev ber çavan
Seq seqem nayê ber cildan
Gerdûnek tijî zanistan
Ê minî taybet,
Bêkes û aram