1. dibêjin berê lingên mar jî hebûn.bi vî şeklî ji gumgumok bihêztir bû lewma gumgumok ji vê yekê aciz bû.rojek gumgumok ji bo ku mar bixapîne diçe cem wî û dibêje:

-birê min ê mar! tu ji min gelek bihêztir î lê tu nikarî qasî min wêrek bî.

mar dibêje:

-puhahaha asdfghtissss! ma qey tu kî ye ku, tu xwe ji min wêrektir dihesibînî.ez bi wêrekiya xwe navdar im.

bi vi awayî henekê xwe bi gumgumok dike.

gumgumok dibêje:

- madem tu wisa dibêjî were em wêrektiya xwe îspat bikin.eger ez hemû lingên xwe jê bikim tu jî diwêrî lingên xwe jê bikî?

mar dibêje:

-bi navê Xwedê eger tu lingên xwe jê bikî ez ê jî jê bikim.

gumgumok şûr digre û weke ku lingên xwe jê bike tevdigere lê ya rastî lingên xwe di bin zikê xwe de vedişêre.mar bi vê yekê dixape ew lingên xwe jê dike.piştî ku mar lingên xwe jê dike gumgumok lingên xwe derdixe meydanê.mar bi vê şaş dibe û fêhm dike ku hatiye xapandin.

gumgumok ji mar re dibêje:

-dibe ku tu ji min bihêztir û wêrektir bî lê ez ji te biaqiltir im.

ji wê rojê vir de qewmê maran bêling in û sond xwarine ku li ku derê gumgumok bibînin ew ê wan bikujin.