2. Ez bawerim laqirdîyên xwe yên destpêkê li Panosê dikişandin (beşên li ser Stenbolê jî tê da), ew ên îsal kişandine li Wanê kişandine. Cemîl hosta lehengê piranîya henekan e. Hostayekî ne hosta ye. Emeleyê li ber destê wî ji wî zêdetir dizane. Di dema likargerîn û kargirêdanê da emeleyê xwe dişîne ji bo axaftinê, pirsgirêkên fehmkirina zimanê tirkî û xwedanfehmkirinê dikişînin her du jî û ev jî yek mijarên henekên wan e. Wekî din, şerên gundan, Xûşka Perîşan (Xwîşka Perîşan), serpêhatîyên karkerên avahîyan filan jî mijar in. Di dema dibistana seretayî û salên piştî wê bi rêya nasan CDyên wan dihatin mala me. Ji bilî laqirdîyan, muzîkên ku di wan de dihatin bikaranîn jî alîyekî girîng bû di dema xwe de. Bi min, beşên berê ji yên niha bitamtir bûn, lê dibe ku ev yek ji ber hestekî nostaljîyê be. Û dema niha jî dibînim ew rojên berê tên bîra min