1. ji cixareya hatiye kişandin re dibêjin qotik.

2. xêra xwedê ye Ji hinek kesan re. qet mebêjin ew kesên ku qotika'xw davêjin erdê, mirovên pîs in.

xortekî qoşîyolî çocixî (lawikê koşuyolu) ku ji me 3-4 sal mezintir bû û ji meheleyê me bû û cixarekêş bû, j'me re go "herin li erdê j'min re qotikên baş bibînin!" ez û 2-3 hevalên min ên ji meheleyê, em her yek bi aliyekî ve firyan. kesê daxwazeke werkî ji me nekiribû heya wê demê. ez nêzî bi 8 salî bûm. j'min re wek lîstikek dihat. ez bilez li der û dora apartmanan geriyam. min qotikeke baş li erdê dît, min a didoyê dît ... û çavên min li pakêteke cixareya li erdê ket. "lê binêr!" mi' go. xezîneyek dîtibûm. bi qur'an pakêteke nipînû bû. Yanî ne encikandî bû. pakêt dibû vala jî bibûya. hema min vekir. hebeke cixare tê de derket. ez qet wê his j'bîr nakim. em bi hev re çûn cem qoşîyolî çocixî. wer kêfa'm hatibû, wer kêfa'm hatibû. Ew lîstikek bû. Û min zarokên din têk biribû. her kes qotikên xwe derxist da cixarekêş. min pakêt derxist dirêjî wî kir. mala min ava! cixarekêşê me qotik tevî bi pakêt ji me girt û li kêfa'xw mêze kir. em jî pir dilxweş bûbûn, cixarekêşê me jî.

qotikên ku hatine avêtin erdê, ne qirêj in. bitaybetî ewên ku du-sê hilmên kûr emrê wan maye, nîmet in.

têbînî: willeh dilêm çû, lê belê ez cixare nakişînim. ji kesên ku cixare dikişînin jî xûy dikim.