1. Bi hezaran sal in ku ajel tên kedîkirin. Xelkê ji bo fêda xwe, ajel xwedî kirine. Dibêjin kûçik ajelê herî pêşîn e ku kedî bûye. Kûçik dikarin malê bipên, nêçîrê bikin, kerî û garanan li hev ragirin. Wek nimûne, meriv dikare gerdûman bavêje pey hespan, lê siwar be û pê kar bike Meriv mange, mîh û bizinan jî ji bo goşt, şîr, çerm û hirîyê xwedî dike. Mirîşk hêkan dikin. Merivan mêşhingiv jî "kedî" kirine. Hin ajel jî ji bo kêf û xweşiyê hatine kedîkirin. Piştî kedîkirinê hin ajel hatine guhartin û hin cinsên nû peyde bûne. Wek nimûne, ger meriv kûçik û tajiyan bigêhîne hev, cewrikê ku ji wan çêdibe cinsekî nû ye, em jê re dibêjin toltajî. An jî ger ker biçe ser hespê, hêstir ji wan çêdibe ku ew jî dibe cinsekî nû.



(bnr: ansiklobediya zarokan)