the fountain

 Darren Aronofsky

 Darren Aronofsky

 2006


 amerîka

 îngîlîzî mayayî

 96

 Xeyalê zanistî Drama Romantîzm

 2014.11.30 20:41

 Ev fîlm hê li kurdî nehatiye wergerandin

 simurg56

 çîroka destanî ya rêwitiyek bêdestpêk û bêdawî ya ku mêr ji bo jinan û tiştên din dijîn...


the fountain - Tirşik

the fountain


. fîlmeke daren aronofsky ye ku 2006an de hatîye kîşandin.
gelek fîlmên ku min ji ser 100ê 100 pûan dayîn, hene. lê ger bê pirsîn, fîlma ku te herî zêde hezkiriye kîjan e? ez ê bibêjim the fountain.
berî behskirina naveroka fîlmê ez dixwazim vê bêjim, dema ku min fîlmê temaşe dikir min him digot qey ez konserekê de me, him digot qey li fezayê an jî nava hûcreyekê de me. mûzîkên fîlmê ewqas xweş in ku mirov dikişîne nav fîlmê. dîmenên fîlmê de ewqas spehî ne ku weke tabloyekê ne.

fîlm ji ew fîlmên ku herkes li gorî xwe fêhm dike, li gorî xwe encam jê derdixîne, ye. dema fîlm tê bîra min bêyî ku senaryoya wê bê bîra min têgehên evîn, mirin, bêdawîtî û qeder û aramî tên bîra min. fîlmê de hevoka "mirin riyek e ji bo qebûlkirinê" (death is the road to awe) ku gelek caran tê dubarekirin, êdî ber bi dawiya fîlmê, qederê û mirinê li me dide qebûlkirin û ji bo mirineke bi aramî me amade dike.
ji vir pê ve belkî spoiler be.


------spoiler------
fîlmê de çîroka evîna zilamek bi 3 çîrokên cuda tê hûnandin ku her yekî di demeke cuda de diqewime. yek li paşerojek dûr, yek îro û yek jî li pêşeroja dûr, tê jiyîn. lê dawiya her sê çîrokan jî dawiya dawîn heman peyamê dide mirov.
zilamê paşerojê ku li pey avjînê ye, zilamê îroyîn ku li pey dermaneke ku kanserê xelas bike û zilamê pêşerojê ku hewl dide evîndara xwe ya mirî bigihîne stêran hewldana gihiştina bêdawîtiyê didin lê dawiya de weke gotina ku fîlmê de her tim dubare dike "mirin riyek e ji bo qebûlkirinê", qedera xwe û fanîbûna û dawiya dawîn mirinê qebûl dikin.
loma ev fîlm ayeta "her zînde wê mirinê nas bike" ttîne bîra mirov.
------spoiler------

jixwe me behsa mukemmelbûna deng û dîmenên fîlmê kiribû. lê ji aliyê teknîka sînemayê ve jî sê sahne bala min gelekî kişandin.
1- sahneya ku bi dengê çivîkan dest pê dike, ronahî diguhere û kamera ji dîmenê dûr dibe û dawiyê de tê dîtin ku dîmena em dibînin ne dîmenek zindî lê tenê wêneyek e. yanî derhêner îspat dike ku bi alîkariya ronahî û dengan derhêner dikare jiyan bide wêneyekê jî.

2- sahneya ku dîmen hêdî hêdî ji mûyên ser laşê jinikê derbasî mûyên darê dibe. jixwe li gorî zilam dar, giyana jina wî dihewîne. ev bawerî û dîmen gelekî li hev tên.

3- sahneya ku zilam aqlê wî bi hezaran tiştan mijûl e, derketiye derve û bi lez û bez dimeşe ku here cihekê. demên wisa te, dema serê mirov zêde tevlîhev be laşê mirov dimîne lê hişê mirov diçe cihên gelekî dûr û têkiliya wî eslê xwe de ji dinyayê tê bîrin. vê sahneyê de jî sahne bêdeng destpê dike, tenê dengên lingên zilam tên bihîstin, piştî ku erebeyek hindik bimîne lê bide û bi qorneya erebeya hişê zilam tê serê wî û vedigere dinyayê, hê nû derhêner dengên hawirdor dixe fîlmê de û em jî weke zilam vedigerin dinyayê.

derbarê fîlmê de tiştekî seyr jî ew e ku kişandina sahneyên fezayê de efektên giranbûha nehatine bikaranîn. ji bo kişandina van sahneyan derhêner avek amade kiriye ku cûr be cûr materyalan, donê zarokan û hwd. êxistiye tê de û paşê bi kamera-mikroskopek ku dikare 500.000 caran dîmenê mezin bike, tevgerên nav avî de qeyd kiriye û dîmenên fezayê bi vî awayî bi dest xistiye.

derhênerê fîlmê her wiha derhênerê fîlma Requiem for a Dream e. weke hûn dizanin mûzîka vê fîlmê jî gelekî xweş e.

derbarê vê fîlmê de hê gelek tişt dikarin werin gotin lê aniha evqas ji min tê, belkî dûre...



Array. fîlma ku li ser şerê du angaştan hatiye avakirin.
ya yekemîn:
(bnr: Death Is A Disease); ev hevok ji aliyê doktorê bi navê tommy ve tê gotin.
li gorî vê îdîayê, weke her nexweşiyê mirin jî dikare were tedawîkirin. tenê jê re hineke din zanîn lazim e. jiyanek bêsînor û bêmirin pêkan e. divê em li tenê li dermanê bigerin û bibînin. (ab-i heyat)

û ya duyemîn:
(bnr: death is the road to awe); ev hevok jî aliyê wan mirovên nîv-tazî yên aîdê zemanên berê ku weke xeyalê derdiketin ve tê gotin.
yanî baweriya li qederê û rastiya mirinê. bawerkirin û jê re razîbûn. yanî wê her zînde mirinê tam bikin *



Array. The Fountain (Kanî), bi saya muzîkên wî yî bi qalîte, ku muzîsyenê navdar Clint Mansell muzîkê wî çêkiribûn, min ew nas kir. Ez ne bawerim tu fîlm wek vî fîlmî ku muzîkê wî baş û lihevhatî hene. Di serî de serlehengê mêr ê Brad Pitt bûna, lê ji ber maliyeta wî ya zêde Hugh Jackman ev rol digre ser xwe. Senaryoya film gelek saxlem e, pevxistana bûyeran û drama wî rengekî cûda daye fîlm. Hem bi felsefeya xwe hem bi mijara xwe gelek filmek cûda ye.



Array. fîlma ku min biskek berê li ser pêşniyariya vê peyama simurg56 #1438 temaşe kire..
li jor spoilereke têra xwe tije heye lewma naxwazim dubare bikim..
ez jî pêşniyar dikim...






    Afîşa fîlmê:
    Afîşa fîlmê
    Puana tirşikê= 88.8
    (imdb: 7.2)
    pûanê bide fîlmê: