11. karekî zehmet e, zahmetiya vê yekê ne ji ber giraniyê ye, bi pirranî meseleyeke psîkolojîk e..

dema mijar an jî entryên ku ji hêla rastnivîsiyê ve şaş, çewt dibînim, bê biryar dibim, gelo ji nivîskêr re peyam bişînim û bêjim te şaş nivîsiye, an jî entryê sererast bikim, an jî şîroveya xwe bikim bo ku rast bike, an jî dev jê berdim kî çi dike bila bike...?

ger dil bikim bo şandina peyamê, wê gelek eforên min ji kîsê laşê min herin, nikarim heftûhêşt bikim..

ger dil bikim û entryê sererast bikim, wêca jî divê dest ji nivîsandinê berdim û yeko yeko li peyaman binihêrim. û ev yek jî neheqî û bêhurmetî ye, belkî dilê nivîskêr ji min bimîne..

ger dil bikim di binê entrya nivîskêr de şaşiya wê/î binivîsim hingê hem gelek entryên tewşo mewşo çêbin û niqaşên nehwce rû bidin

ger dil bi tiştekî nekim û dev jê berdim wê çaxê jî di hêla standardîzayonê de ferhenga me wê qels û kêm bimîne, divê hin şaşiyên ji dera hanê ji vir bên qewirandin..

welhasil didim ber bêjingê, bêjinga reben ji qehra diperçiqe*