1. Heke neteweyek an civakek li ser zimanekî li hev bike ku êdî di karûbarên fermî, xizmetên dewletê, perwerde, weşangerî, medya û hwd de wî bi kar bîne, yan dewlet li neteweya xwe ferz bike, an jî sazîyek li civaka xwe ferz bike; ew ziman dibe zimanê standard.

Îcar ew ziman dikane hilbijartina zaravayekê be, yan jî di nav pêvajoyê de biserketina zaravayekê be, lê her wilo dikane ji zarava û devokan pêkanîna zimanekî be jî; heke ji zarava û devokan zimanek were pêkanîn, da ku ji alîyê hemû kesî ve were bikaranîn, ew ziman dibe hem yekgirtî, hem jî standard.Car caran lînguîst bi xwe jî li ser vê pênasê rind li hev nakin,.