1. peyv û biwêjeke bi kurdî ye.. heta niha ji xeynî cizîrê li tu der Û devereka kurdistanê min ji devê tu kesî nebihîstiye.. wateya wê ya eslî û esasî çi ye ji çi çêbûye mixabin min agahî pê nîne lê li cizîrê hema bêje di serê her hevoka xwe ya ku tê de gilî û gazind û lome hene bikar tînin.. wek nimûne:

''maxane, ev kur nabe zilam, ez dikim nakin çar jê nakim..''

min li ser înternetê nêrî ferhenga ûmîd demîrhan de di wateya malxirab û malmîratê de cih girtiye.. wekê din li tu der û ferhengê ez pêrgî vê peyv û vê bêjeyê nebûme..

2. hemwateya wê: malnemîrat

maxane (moxone), ev kelîmûko henê li dihê jî tê emilondin, oho vê qûr'onê..

3. bi xwedê, peyvek gelekî xweş e. cem me zêdetir weke moxone tê bikaranîn û wateya şaşwazbûnê dide hevokê.

mînak,



- hê hê hê hêêê. moxone, ew sê kîloyên tiriyan bi tena serê xwe xwariye malmîrat! qey mal ne ya te bû, zik jî ne ya te bû?

4. li farqîna amedê wekî malneket jî têt bikaranîn