1. navê straneke koma zerdeştê kal e.



...yek û yek birca belek

saza bilbil dermanê dil

şekir û şima li ber çema

çemê spî av tê nema

çi zîwana* na genima

çi fîncana dest hekîma

li kurdistan ez û te ma x 2 *...

2. navê vê birca keleha cizîrê ye:

Here lînkê



birca belek tenê birceke, lê ji ber ku birca herî xweşik û heta îro maye ser linga navê xwe daye hemû kelehê. heta salên 2012ê di destê leşkeriya tirk de bû, paşî bi hewldanên mezin ji leşkerîyê hate pakkirin, berî şer xebatên restorasyonê hebûn, lê ev restorasyon ne bi dilê min e, ne ji dil dikin, ne baş çêdikin, li ber nakevin.



ji bo agahiyên bêhtir:

(bnr: cihên dîrokî yên cizîrê)

(bnr: cizîr)

3. straneke gelêrÎ ye. yek ji stranbêjên radyoya erîvanê gevorgê ferac dibêje. stranbêjeke bi navê siwaro biçekî siviktir û bi meqameke akustîk dibêje.

ji bo min straneke taybet e ji ber çîroka stranê û gotinên stranê. di stranên gelêrî yên kurdî de bi pirranî gotinên klîşe û qalibgirtî hene û çîrok û serpêhatiyeke taybet ya stranê jî nîne. lê di vê stranê de çîrokek heye, hestên rastî yên du mirovên dilketî hene û ev çîrok bi gotinên ji axaftina rojane hatiye hûnandin.

keçik gumanan ji heseno dike dibêje min tu bi keçikek din re li filanderî dîtî, te ez xapandime û jê dixeyide. heseno dibêje na keçika cîranan bû û hew silavek da min, te ez xelet fêm kirime, li ber dilê keçikê digere û dixwaze keçikê aş bike lê keçik ji ya xwe nayê xwar, dibêje min digot qey tu cudatir î ji yên din eger tu jî wekê xelkê yî yên wekê te li ber deriyê mala bavê min pirr in û pehînekî li qûna heseno dixe *

gevorgê ferac



vîdyoyê veke