4. êrîşa ku mixabin keçek kurd jî jiyana xwe wenda kiriye.

navê wê şîlan aydin e. 19 salî ye. Here lînkê

Here lînkê

navê hevalê wê jî selma ye, belkî ew jî kurd be.

3. sêyemîn êrîşa daîşê ye li hemberî fransayê. hinek dibêjin fransa jî di dil de dixwaze tiştên wisa çêbin da ku bikare rola xwe ya di rojhilata navîn de, zêde bike. lê ev teorî zêde ne aqilane ye. ev çend roj bûn fransa ketibû alarmê lê dîsa jî nekarîn pêşî lê bigirin.

li fransayê nifûsek mezin ya misilmanên welatiyên vî dewletî hene. ji ber ku ev terorîst li fransayê hatine dinyaya û li wir mezin bûne, vî welatî gelek baş nas dikin û bi hêsanî dikarin xwe veşêrin.



li kurdistanê û li welatên din yên rojhilata navîn, her roj evqas mirovên sîvîl yên bêguneh tên kuştin. loma mixabin em kurd zêde nikarin li ser vê meseleyê bisekinin û serê xwe pê biêşînin. dema bûyerên wisa çêdibin, hêvî dikim ku ev welatên pêşveçûyî, modern û hwd. êdî rastiyê fêhm bikin û êdî piştgirî nedin dîktatoriyên rojhilata navîn û piştgiriyê bidin kurdan. lê mixabin ev dewlet dîsa tên û piştlgirî didin wan dewletan ku jixwe çavkaniya vê terorîzmê ne.

gelo dewletên rojhilata navîn yên terorîst, bi piştgiriya kîjan dewletan dikarin li ser piyan bisekinin û bibin sponsorê terorîzmê? ma ne îngîlîstan, fransa, almanya, îsraîl û amerîka ne ku nahêlin ev dewletên misilman yên terorîst hilweşin. loma xwedê rehma xwe li wan sîvîlan bike û belayê bide daîşkeran, lê ji samîmiyeta fransayê fîlan jî tu caran bawer nakim. ma di şerê kurdan de (çi pyd çi kdp), aliyên qenc û xerab weke reş û spî ne diyar in ku dinya hê jî bi şermokî alîkariyên biçûk li kurdan dikin. ger derdê dewletên rojavayî xelaskirina terorîzmê bûya, wê bê şert û merc piştgiriya kurdan bikirana; wê hikumeta navendî ya iraqê paşguh bikirana û çek û balafirên herî pêşketî bifirotina kurdistana başûr. lê ka?? encax keleşan bişînin.