Tirşik - Profîl
tirşik-profîla simurg56

profîla "simurg56"


Peyamên nivîskar yên di vê mijara [bird box] de;

2. berhema netflixê ku gelek tiştan tîne bîra mirov. ez ê li jêr behsa wan bikim. lê bi kurtî dikarim bêjim ku fîlmek li ser wesatê re ye. ku mirov hêvîyên mezin jê neke, dikare jê hez bike. lê eger mirov tenê bikeve li dû mantiqê û valahîyên senaryoyê, dikare tê de bêmantiqî û beredayîtîyan bibîne.

------ji vir pê ve spoiler dihewîne.------
serê ewil, jixwe dema mijar korbûn û korbûnek civakî be, demildest berhema korbûnê ya josé saramago tê bîra mirov. weke din fîlm ji hinek alîyan ve dişibe fîlma don't breathe ku ew jî dîsa fîlmek ya netflixê ye. di wê fîlmê de jî dîsa ji ber hêzek nepenî, divê mirov vê carê bêdeng bin. û li wir jî jina serleheng dîsa ducanî ye û hewl dide zarokên xwe ji bobelatê xelas bike.

fîlm her wiha gelek dişibe fîlma annihilation jî ku ew jî fîlma netflixê ye. di wê fîlmê de jî hêzek nepenî heye û ew hêz jî dihêle ku mirov "bi awayekî" xwe tune bikin. çi bi erênî, çi bo neyînî. heta di wir de jî, di sahneyekê de ew hêz teqlîda dengan dike û mirovan wisa dixapîne. di vê fîlmê de jî sahneyek wisa heye. mijara "tunekirina xwe" babetek bingehîn e, di her du fîlman de jî.
tabî dema dûmanek reş hebe û behsa lostê neyê kirin, nabe.

di fîlmê de mirov dikare di gelek tiştan de sembolîzmê derxe. çemê ku wek jîyanê dirêj û zehmet e lê belê dawîya wê cihekî wek bihûştê ye. ji bo gihiştina wê bihûştê, pêwistîya girtina çavên xwe û tenê bawerî pê anîn û hwd.

ji aliyekî ve jî mirov dikare vê hêza veşarî ya xêrnexwaz, wek înternet/medyaya sosyal jî bnirxîne. jixwe di sahneyekî d spîker gel hişyar dike û ku ji medyaya sosyal dûr bikevin. di vê serdemê de kesên ku zêde bala xwe didin medyaya sosyal, ji bextewarîyê dûr dikevin û jîyana xwe li dû xeyalan wenda dikin û hwd. ev hêz jî wek înternetê bi taybetî dixwaze xwe bigihîne zarokan.

meseleya dînan, ne dîyar e. wan çima bandorê jê nedidît, nizanim lê sahneya nîşandana tabelaya komeleya astengdarên dîtinê, xweş bû. dikir birûskek vede di mejîyê mirov de: belê bo koran, dinya jixwe tim wisa ye.

di vê navberê de wergera kurdî ya azadixwaz têra xwe baş bû. spas dikim.



2021.01.26-21:58 ~21:59]| simurg56

1. fîlma ku êdî bi kurdî dikare were temaşekirin.
fîlm wek xebatek ya koma wergera fîlman ya tirşikê ji alîyê azadixwaz ve, li kurdî hat wergerandin.

hûn dikarin binnivîsa kurdî ji rûpela fîlmê daxînin: Here lînkê
ji bo daxistina fîlmê, lînka torrentê: Here lînkê










têbinî-2: Hûn dikarin van fîlman dîrekt ji vê koma telegramê temaşe bikin: Here lînkê [Tu tişt ne hewce ye, hûn dikarin dîrekt temaşe bikin]
têbinî-2: temaşekirina fîlman bi binnivîsa kurdî/118142
têbinî-3: Eger xwendina binnivîsên kurdî ji we re zehmet be, hûn dikarin leza fîlmê jî kêm bikin. Ji bo vê yekê bernameya smplayerê daxin û saz bikin. (jixwe di mijara bernameyê de gelek agahî û kurdîkirina wê heye: (bnr: smplayer)) ji eyarên wê zimanê wê bikin kurdî. ji bo kêmkirina leza fîlmê ji menûyan bikevin bilîze>lez û ji vir weke mînak lezê %10 kêm bikin.



2021.01.07-20:24 | simurg56