Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    6 mijar û 8 peyam
    diêşiya - tirşik
    diêşiya
    (1) (0) ecêb (0) (5)
    di mijarê de bigere

    1. navê pirtûka nÛ a helbestan a şairê kurd rênas jiyanî ye.. hê li tu pirtûkfiroş û pirtûkxaneyan nehatiye belavkirin.. îro ez û hevaleka xwe em çûn weşanxaneya belkiyê serdana rênas û me du heb diêşiya jê wergirtin.. û di ber re jî me qala ehl û iyalê wêje û helbesta kurdî jî kir.. piştî tiştên di heqÎb û xurcezînên me de yên derheqê wêje û helbestê de qediyan min mijar anî ser tirşika tiberik û tam-seyfe min reklama tirşikê jê re kir.. camêr gelekî pê kêfxweş bû û got illeh di keys û mefera ewilîn de ez ê lê binêrim.. paşê min wateya janyayê jê pirsî got janya yanî war û welatê êş û janê.. her weke îspanya û îtalyayê.. min çewt xwendin û telafûzkirina helbesta hebhinarkê ya ji aliyê koma hîvron ve jê pirsî got haya min jê heye lê ez ne mirovek otorîter im û naxwazim zêde destê xwe li her tiştî bidim.. û got ji aliyê camêrekî ve janya jî hatiye bestekirin û di demek nêz de wê derkeve pîyasê..

    ez bêm ser naveroka pirtûkê ji ber ku min her du diêşiyan jî ji bo hevalên xwe wek diyarî standibûn bes bi qasê nîv seetî wextê min ji bo xwendin û lênêrîna pirtûkê çêbû.. yên ku rênas ji nêz ve ji kovar û rojnameyan dişopînim pirraniya helbestên di pirtûkê de wê nas bikin.. yanî pirraniya helbestên di pirtûkê de ne nû ne an di kovarekî de an di rojnameyekî de weşiyane.. û divê ez bêjim ku ew tama berê ya ku min ji helbestên janya û mexzena xwînê standî min ji diêşiyayê nestand.. dibe ku îro tama devê min nexweş be ez neheqiyê lê nekim.. lê ji xwe ya ku rênas jiyan li ber dilê min hêja û ezîz dike ji helbestên wî wêdetir û zêdetir sekn û helwesta wî ya sade û nefsbiçûk e..

    ez ê wek nimûne helbestekî li vir ji pirtûkê binivîsim lê ez ê ne ji pirtûkê ji profîla lokman ayebe ya facebookê jê bigirim û li vir binivîsim.. di nav pirtûkê de helbesta ku zêdeya zêde kêfa min jê re hatî û dilê min lê rûniştî jî ev e..



    7.777.777 *



    ''reng:

    li xirbeyekî xewle,

    di nêrînên cahşikeke cindî de min velîstiye

    ma kî pê zane

    çavên xwe û çermê xwe min ji qefesa te ye bûkaniyê re hiştiye, ji dêvla morîk û hirbiyên te

    dixurînim birînên xwe bi bîranînên xwe



    roj:

    hişê min pelîse

    devê min avisî gotinên beravêtî

    erê; tu erbaneyeke bicizbêketî yî

    erê; tu ribabeke ji êgir î

    lê tu nikarî ewqas stranên ji dil hilgirî

    tu nikarî...



    huner:

    temberiya min talankirî

    li hêviya hêviyên kurmancî me

    ka

    dirêjî min bike ew gulîkên xwe,

    di xêzikeke filehan de asê mame

    ma kî zane



    kişwer:

    ecacokeke emeliyatkirî rabûye,

    li kulîna kevaniya gulî-ba

    dixwaze

    li hilobiyên bitr

    guhdarî bike

    delala dobelana



    prematurê:

    û ferşikê

    berxikê

    xewsivik

    meyand

    mexzena xeyala

    here û ji wan re bêje



    noteyên muzîkê:

    zikê ewran li ber devên wan

    bayekî beradayî xwe li newqa te badaye

    di baranê de bêhna pezê şil tê ji himbêza te

    li ser kulavê biharê

    dixurînim birînên xwe bi bîranînên xwe

    û her ku diçe barê min girantir dibe



    qatên ezmên:

    dendika demê derizî

    şevbuhêrkên cewrik direyin li dû salnameyên seridî

    tu katjimêr ne ewqas mêr e, ku emrê te bihejmêre

    here ji wan re bêje, bera herin ji wê re bêjin

    emrê!..

    tariksela ye!



    * Ev helbest, di sala 2001'ê de di kovara Utopya'yê hejmara 4'an de weşiyaye...



    2013.08.25-00:18 | endazer

    2. xuya ye ku rênas (tu rênas î, di çiyayên enternasyonel têk de dinasî, ya ku ez dikim bila bimirim, bimirim, bimirim...) bi diêşiya ve hinek ji helbestê dûr ketiye. rênas ne ew rê(ne)nas e ku helbesteke weke "marka", "helbest-matîk" binivîse. an jî hêvî jê zehf bû, lê belê xuyaye ku rênas xwestiye helbestên xwe yên li erd merdan belawele bûyî, vey de. ne beşa welêt be nexwe herdu beşên din (evîn, huner) ne ewqas rênasans in. lê sirûda kurdistanê hêja ye ku zarokên kurd tev de vê helbestê ji ber bikin.



    2013.10.21-19:09 | zero

    3. Ji bilî çend helbestên wî ev pirtûka wî ne çê ye.

    rênas jiyan jî daye pey kafiyeyan,lê nayê ev yek.



    2013.10.22-14:00 | gulan

    4. bi rastî jî diêşîne têde helbestên pirr xweş hebûn min çend roj berê girt û di nîvê şevê de min vekir û min qedand armanca min qedandin nebûn jixwe xewa min dihatin ji bo xwendina çend helbestên destpêkê min girt destê xwe lê nema min berda heta dawiyê ez çûm kitab ji 3 beş pêk tê evîn huner û welat.. tenê beşa huner ne xweş bûn



    2013.12.10-04:22 | ferhenga şikestî

    5. tişta ku êş jê tê, diêşe, jan jê diçe, dişewite, an jî dilşikestî û navê pirtûka helbestan a rênas jiyan e.



    2014.06.27-18:31 | xendekî

    dengdanên dawîn (Yên Din..)
    frantz fanon [2]
    nivîskarê dij-kolonyalîst ku îlham daye gelek tevgerên dij-kolonyal. ...
    steve biko [2]
    nivîskarê dij-apartheid, dij-nijadperestî. di sala 1946an de li afrîka...
    banksy [1]
    Belgefîlmek heye behsa wî/wê dike. (bnr: exit through the gift shop)...
    banksy [2]
    Hunermendê kolanê, aktîvîstê polîtîk û derhêner e. Ji Bristola Îngilîs...
    zehra doğan [2]
    Rojnamevan û edîtora jinhayê bû beriya rojname bi khkyê bê gi...
    belki ev jî bala te bikişînin
    » diêşiya

    Kategoriyên mijarê:: kurdukurdi pirtukweje wejehlbst
    nivîskarên ku li vê mijarê nivîsîne


    sitemap
    reklamokên beredayî