3. Di dema zanîngehê de gelek hevalên min ên gay hebûn, hê jî hene.

Di navbera wan de meseleya aktîfbûn û pasîfbûnê heye. Yên aktîf di rola mêr de ne yên pasîf di rola jinê de ne (Qet kêfa min ji vê hişmendiyê re nayê). Hin ji wan hem aktîf hem jî pasîf in. Evîna wan ji evîna heteroyan ne cudatir e. Lê ez dikarim bêjim ku têkiliyên wan bikêftir in. Çawa ku di nav komeke tirk de du kurd hev bibînin û tim piştgiriya hev bikin ew jî bi wî rengî ji hev fêm dikin û li hev dikin.

Di mijara jinan de jî min yên wekî mêrên ji rêzê difikirin jî dîtin û yên ku piştgiriya jinan dikin jî dîtin. Yanê divê em wan neveqetînin ji civakê. Di civakê de jî yên xwe pêş dixin bêhtir ji rewşa mirovahiyê, jinê û hwd fêm dikin û yên xwe pêş nexin tu xêra wan nîn e ji tu tişt û kesî re. Ew jî wisa ne. Lê ku mirov pir nêzîk be bi wan re hin tiştan bivê nevê ji bîr dike. Mînak, carinan ez wekî rakîbekê didîtim ji xwe re, lê qet haya min ji vê yekê çênedibû.

Min jî jinên hevzayend kêm dîtine, meraq dikim ya rast.