1. Helbesta Cigerxwin'e Ji kuçikén Ne Rast Melaran Dibejé





****

Mela rabe ji xew îro ,



Heta kengî mirîşo bî ,



Bi destê dijminê millet ,



Ne şerme , ko tu kaşo bî ?



Tu xwendaye , tu zanaye ,



Xulamê şêx û axaye ,



Dixwazim ko li pêş millet ,



Tu ronî bî , wekî ro bî .



Hezar salan zekat- xwer bî ,



Ji dijmin re tu rencber bî ,



Ku bê dewlet û leşker bî ,



Tu dê herdem du-ago bî .



Li mizgeftan bi gazî bî ,



Tu razî bî , ne razî bî ,



Tu dê tim jar û tazî bî ,



Li nik dijmin tu xirpo bî .



Xwedê dostê mirovaye ,



Ne dostê hirç û hovaye ,



Berê rojê li avaye ,



Ne bî , îro wekî do bî .



Hezar salin perîşanî ,



Bi jan û derd û êşanî ,



Tu nasnakî misilmanî ,



Heta kengî du-ago bî ?



Çine ev kuştin û talan ,



Li me dijmin dikin halan ,



Perîşanin li ber palan ,



Bila rewşa me tim ho bî ?



Misilmanî eve seyda !?



Di rojên şahî û eyda ,



Me têxin van ben û qeyda ,



Çi mêr û jin , çi zaro bî .



Ji xew rabe , tu ey role !



Ji bo dijmin mebe kole ,



Gelek dijware ev şole ,



Çiman Çirto û Virto bî ?



Cigerxwîn tim dikî qêrîn ,



Dikim , nakim şiyar nabin ,



Bila em jî bibin dewlet ,



Misilmanî wekî xo bî



****





(bnr: olperest)