21. beşa ku min fêm nekir ka çima ji filman re li ser 100î puanan tê dan. dema ez puan didime fîlman xwe mîna kaxizên azmûnan a xwendekaran dixwînim, dihisînim. * xwezî li ser 10 puan hatiba pilekirin.

22. beşa ku mixabin zêde balê nakişîne.

an tu tirşikvan li fîlman temaşe nakin an jî temaşe dikin lê şûna ku fîlmê li vê beşê zêde bikin û li vir nêrînên xwe parve bikin, diçin li deverên din dinivîsin.

23. beşa ku têra xwe balê nekişandiye li ser xwe. Lê eslê xwe de ev beş tenê bi serê ji bo zimanê kurdî şoreşek e.

24. Beşa kêfa min pir jê re tê û wê weke her tiştê kurdan hêdî hêdî pêşve here.

25. ya ku gihiştiye 136 fîlman.

dema tê de têra xwe fîlm çêbûn wê bibe çavkaniyek bêhempa.

mirov wê bikare hemû agahiyên filmê û puanên ku tirşikvanan dayî bibîbe û di heman demê de şîroveyên tirşikvanan jî bixwîne. dema hemû korele be em ê randimanek baş jê bistînin.

lê divê herkes filmê temaşe kirî, li beşa filman zêde bike û hejmara fîlman zêde bibe.

26. (bnr: beşa filman a tirşikê)

beşa min hêvî dikir populertir be, bi ya min beşeke pir kêrhatî ye û loma jî divê bê pêşde birin û tije kirin. ji ber xalî-buna tirşikê wê zêde kes vê peyamê nexwîne lê dîsa ji ez ji vir bang li 40 miljon kurdan dikim ku dest bavêjin vê beşê û bêxin gul û gulistan.

27. dema meriv fîlmek dişîne, êdî hew dikare agahî an jî rastnivîsên wê fîlmê rast bike. xwedê giravî ev tişt nehatiba serê min, ti haya min jê nedibû. *

28. niha 301 fîlman dihewîne. dema bû 1000 fîlm. em ê bikarin bêjin, me arşîvek xweş ya fîlman heye.

29. Naşixule. Berê em navê fîlman dinivîsand agahiyên imdbê ji ber xwe dihate ser. Ji afîşan bigire heta zimanên fîlman bixwe dihat. Edî tev wek n/A xuya dike.

Sîstema puanên fîlman jî li ser 10ê ve bihata pejirandin hêj baştir bibe. Aniha pûan li gorî sîstema hejmara 100ê dihê dayîn.

30. agahî: wek li jor jşî hatiye gotin, niha di lêzedekirina jixweber ya fîlman, naxebite. dîsa jî mirov dikare bi destî fîlman lê zêde bike.
îhtîmalek mezin, imdbyê di sîstema xwe de guherînek çêkir û loma wisa çêbû. di rojên pêş de ez ê lê binêrim û sîstema me li gorî rewşa nû, rojane bikim.

31. agahî: problema standina agahiyan ji malpera imdb'ê hat çareserkirin. yanî hûn dîsa dikarin tenê navê fîlmê binivîsin û tirşik jixweber agahiyên fîlmê û afîşa wê ji imdb'yê bistîne.

sedema xeletiyê, rojanekirina malpera imdbyê bû. me jî sîstema xwe li gorî vê rojanekirinê, rojane kir.

32. niha 400 fîlman dihewîne.
ji bo wan kesan ku nizanin wê çi temaşe bikin, êdî çavkaniyek têr û tije ye. ger nivîskarên me dema li fîlmekî temaşe bikin, wê fîlmê li tirşkikê jî zêde bikin, wê bibe arşîvek hê mezintir. tabî divê mirov pûan jî bide, û ku pêkan be şîrove jî bike.

lêzêdekirina fîlman gelekî hêsan e. navê wê binivîsin û pêl enterê bikin, jixwe tirşik hema bêje hemû tiştî otomatîk dike.

33. Beşa go îda divê hejmara binivîsan zêdetir bibê ye.
Te'ma binnivîsên kurdî ji wan zimanên dî xweştir e.

34. Beşa ku îda têra xwe fîlman dihewîne û axlebe besî yekî sînema-hezker e. Heta niha 556 fîlm lê hatine zêdekirin. Roj bi roj zêdetir dibin.
Bi arikariya tirşikvanan wê bibê 700, peyre 1000....
Dema hinek dixwazin fîlmekî temaşe bikin, ez lînka vê beşê parve dikim. Xêra Xwidê.
55 fîlmên wergerandî kurdî jê dihewîne û hêdî hêdî ev hijmar wê zêdetir bibê.
Li gorî mîsyona tirşik.net'a ku xwerû bi kurdî ye, divê wergerînên Kurdî bêhtir bin. Lê mixabin j'ber ku ev kar ked, wext û dildariyê dixwazê, ti kes xwe nadê ber.
Bi kurmancîya xwe yî şikestî, hêdî hêdî ez binnivîsekê diwergerînim. Nizanim wê çi jê derkevê.

35. beşa hêvî dikim wê rojekê fîlmên kurdî an wergera kurdî jî biweşîne ye.

36. di pergala heyî de mirov jê dernaxe ka çi fîlm e, çi rêzefîlm (rf) e. tenê di rf-an de dirêjahî mîsal wekî 10 tê nîşandayîn, lê ev hejmara beşên wê ne. heke berhama ku wê were vekirin ne fîlm be, lê belê rf be, bi min bila di agahiya cureyê de bibe xwediya etîketa "rêzefîlm"ê jî, da ku bikarhêner di beşa fîlman de bi hêsanî bigihîje rf-ên lêzêdekirî. ez bi xwe lê zêde dikim û gava li etîketa rf-ê ditikînim hemû rf-ên din jî derdikevin (ku bo niha tenê yên min lê zêde kirine têne rêzkirin). heman tişt pêkan e bo kurtefîlm, belgefîlm hwd jî bê çêkirin.