1. Mela Ebdilrehmanê Melakendî yek ji kurên Mela Ebdillahê Hîzanî bû. Jiyan û serpêhatiya wî bi berfirehî nayê zanîn. Dibe ku ew li bajarê Hîzanê yan li gundê Semerşêxê jidayik bûbe, ji ber ku bavê wî li wan herdu cihan niştecî bû.

Mela Ebdilrehman ji zaroktiya xwe ve dest bi feqetiyê kiribû û li ber destê zanayên navçeya xwe xwendibû, wek Mela Xelîlê Sêrtî û kurê wî Mela Mistefa û wî îcaza xwe ya melatiyê ji wan wergirtibû û piştî wergirtina îcazê wî dest bi melatiyê kiribû, pêşî li gundê Borya, dûre li gundê Tîlê û paşê jî li gundê Melakendê.

Mela Ebdilrehmanê Melakendî li gundê Melakendê jiya heta çû ser dilovaniya Xwedê di sala 1874an de û li wir hat veşartin. Malbata şêxên gundê Çoqreşê yê girêdayî Mûşê li Bakurê Kurdistanê vedigere Mela Ebdilrehman.

Mela Ebdilrehman pênc kur li pişt xwe hîştin: Mela Îbrahîmê Çoqreşî, Şêx Xelîl Efendî, Şêx Es`edê Çoqreşî, Mihemd Sidîq û Mihemed Emîn. Mela Ebdilrehmanê Melakendî zana û edîbekî jêhatî û berhemdar bû. Ji berhemên wî yên ku gihîştine dema me: Haşiyeyek bi zimanê erebî li ser terkîba Mela Yûnisê Erqetînî ya Kurmancî û komeke helbestên bi kurmancî:



Qewî îro deîf hal im

Dinalim ez ji hicranê

Esîrê murşidê kali m

Gelo xewsê şîrîn kanê?



Gelo kan sahibê weqtî

Emîrê tac û hem text î

Celîsê kursiya bext î

Gelo xewsê şîrîn kanê? Here lînkê