Kategoriyan hilbijêre;

Tenê yên kurdî?:

Pêşîn yên:

Agahî: dema 2 an jî zêdetir kategorî hatin hilbijartin, bila mijar wan hemû kategoriyênku te bijartine, bihewîne an hema tenê yek ji wan kategoriyan bihewîne jî bes e?
Hemû an hema kîjan be:


    14 mijar û 24 peyam
    rabûn û rûniştin - tirşik
    rabûn û rûniştin
    (1) (0) ecêb (0) (1)
    di mijarê de bigere

    1. nivîseka dîdaktîk a kamûran elî bedirxan e, di hejmara 30ê ya hawarê de çap bûye:

    Rabûn û Rûniştin
    Kurd gelek bi edeb û terbiye ne. Rabûn û rûniştina wan, dan û standina wan bi rêz û tertîb e, xwediyê gotina xwe ne, paşgotiniya xelkê nakin.
    Pir naxêvin, gotina xwe bê sebeb dirêj nakin; gava "erê " dibêjin erê ye û gava "no" dibêjin no ye. Beriya ko tiştekî bêjin wî tiştî xweş didin eqlê xwe û êdî ji gotina xwe bi şûn da venagerin. Heke wad ( soz) dan poşman nabin, bi dilxweşî û ciwamêrî wada xwe tînin cih.
    Qencî û xirabiya ko ji wan re hate kirin, ji bîr nakin; heke dijminê wan kete bextê wan, di sûcê wî diborin.
    Lê ez dibînim, hinên di wan rêz û rêzikên bav û kalên xwe ji bîr kirine û bi adetên miletê biyanî ên nexweş ' emel dikin. Ev tiştekî ne çak e, xerab e. Divê mirov dev ji adetên bav û pêşiyên xwe ên qenc bernede.
    Tenbî û qeydeyên jêrîn ji bona wan in :
    - Gava ji kesekî tiştekî dixwazin, mebêjin "bide min" , lê bêjin " ji kerema xwe bide min.
    - Ko ji we re tiştek hate dan, "spas" bêjin û pê dilxweşî û minetdariya xwe bidin zanîn.
    - Gava kesek dibêje " kerem ke " , lê vegerînin û bêjin " di nav keremê de bimînî".
    - Heke kesekî banî we kir, "lebê" an "fermo" , an "ez xulam" , "ez gorî" , "ez qurban" bibêjin. Kurd hemî wusa dibêjin.
    - Ko kesek ji we tiştek pirsî "erê" an "no" , "dizanim " an "nizanim" bêjin; "hi" "ho" mebêjin û serê xwe mehejînin; ev kêmasiyek e.
    - Gava hûn tiştekî vedixwin, bi edeb û usûl vexwin; hêdî hêdî û bêdeng bikişînin; yên dora xwe aciz mekin.
    - Wadê hûn li ser xwarinê ne û parî di devê we de ye, milçemiç û çelqûçeq mekin.
    - Heke hûn di civatekê de di nav xelkê de rûniştî ne, bi qirpeqirpa qirika xwe karîbin; hevalên dora xwe aciz mekin, nemaze ev tiştekî pir 'eyb e; kêmaniyeke mezin e.
    - Pêşbirî li jin û zarokan mekin; rê li wan mebirin.
    - Wadê hûn daxêvin, dengê xwe bilind mekin û heke mirovek dipeyive, gotina wî mebirin û beriya ko ew gotina xwe biqedîne dest bi axaftinê mekin.
    - Her rastiyê bibêjin; derewker rûreş in.
    - Dest û tiliyên xwe mekin dev û difin û guhê xwe û wan pê paqij mekin.
    - Wadê hûn dikuxin an dibihnijin, destê xwe û hêj çêtir destmala xwe bidin ber devê xwe.
    - Li erdê tif mekin. Goşt û xwarina ber diranan tû mekin erdê. Ariya cigara xwe di nav civatê de mexweşînin erdê.
    - Li zarokan medin; wan pir meêşînin; wan tirsiyandî û çavşikênandî mekin, ew pê derewîn dibin.
    - Çiqas jî (hûn) bixeyîdin dijûna mekin; xeberên xerab mebêjin.
    - Bê sebeb sond mexwin; bê îşekî giran xelkê medin ber sondan.
    - Di nav axaftinê de bi serê bav û pêşiyên xwe sond mexwin û bi serê bav û kalên xelkê û goran wan jî sond mexwin; ev tiştekî zehf qirêt e.
    - Gava ko hûn tên malekê û banî we dikin ser xwarinê, bi derew mebêjin "em têr in" û werin ser sifrê. Wadê ji we tiştek tê pirsîn, xweş bala xwe bidin heta hûn bikarin cihabê lê vegerînin.
    - Gava kesek ji we re tiştekî dibêje an qise dike, bi lez û bez mebêjin "ez dizanim"; guhê xwe bidin ser galgala wî; bi bala fireh mirov hêj çêtir di'elime.
    - Ern û bihintengî tiştine neqenc in; nemaze li ber mirovên qels û belengaz û jin û zarokan; dilşikestina wan kêmasiyek e.
    - Çavsoriya xwe li xurtan bikin, li yên di ser xwe re bikin; ne li yên di bin xwe re, ne li yên kêmî xwe.

    Kamiran Alî Bedirxan
    (Hawar; hejmar 30)



    2017.10.19-17:18 | xendekî

    Hemûyan Bixwîne

    dengdanên dawîn (Yên Din..)
    language exchange cafe
    Li hinek welatên biyanî cihên wûsa pir in. Kesên pir zimanî li vêr k...
    pirsgirekên zimanê kurdî
    -zimanê kurdî zimanekê nefemî ye
    -bi zimanê kurdî heta aniha pe...
    çemên kurdistanê
    çemê balfisê gundekî cîranê gundê me heye navê wî (vbnr: balf...
    ronahiya qurana pîroz
    6-7 cuz mane ku ez xitim bikim, hingî ku ez dixwînim bêtir kêfa min ji...
    pirsgirêkên rêzikên îslamê
    pirsgirêkên rêzikên îslamê/86846 qey yeke qey didoye ezê kîjan bibêjim kîjan bihêlim ji fathayê ...
    belki ev jî bala te bikişînin
    » rabûn pêdarê

    Kategoriyên mijarê:: jiyan cand jiyan cand jiyan cand kurdukurdi
    nivîskarên ku li vê mijarê nivîsîne


    sitemap
    reklamokên beredayî