14. lokomotîfa vê dawiyê ya tirşikê ye, camêr di 18ê sibatê de qeyd bûye û duh yanî di 16ê adarê de jî gotiye bes e êdî nema dinivîsim yanî di nav 28 rojan de 741 peyam nivîsandine di tirşikê de ev yek rekorek e ku zû bi zû tu kes nikare jê bibihure.. û dema mirov bala xwe didiyê peyamek tenê vala û ji hewesa dilî re hatî nivîsandin nîne, camêr derheqê fîzîkî de dinivîse, derheqê dîrokê de dinivîse, derheqê mîtolojî û etnografî û fîlolojî û gelek zanistên din ên ku vêga navê wan nayên bîra min..

min di peyameka xwe ya dî ya li jêr vê mijarê de jî nivîsandiye, rasteqîn zanatirîn û şarezatirîn nivîskarê tirşikê ye, ez vê yekê ne ku ji ber ku fikrên me yên derheqê siyasetê de nêzikî hev in dibêjim, ez li peyamên wî yên di tirşikê de dinêrim û dibêjim.. ji bo nimûne nazim tolhildan erê sempatîzaneke karakterîstîk ê öcalan e yanî li gorî termînolojiya apociyan apociyeke ji xwe çêtir e lê dema di bin mijareke din a derî siyasetê de dinivîse mirov tê derdixe û dibêje temam evî camêrî tiştin xwendine, lê dema mirov peyamên sempatîzanên wekê cekdar û ciwan filan dixwîne mirov dibêje temam dewletê bi awayekî zirar û ziyanek gihandiye van û wan jî dîtiye ku öcalan li hemberî dewletê çek hildaye, ew jî çûne öcalan ji xwe re kirine rêber hetta ev meseleya rêberiyê li ser gelê kurd jî ferz kirine û îradeya xwe teslîmî wî kirine û gotine ha ji te re ka me azad bike filan yanî ji xwe re kirine totem û dema kesek rexneyekî lê digire û dijûnan lê dike, bi qebûl û qalibên xwe yên ji xelkê deynkirî an ji devê xelkê sehkirî radibezin xelkê û xwe dînomîno dikin..

wextekî nazim* jî piştî îdîa û îthamên min ê derheqê öcalan û pkk de gotibû êdî nema ditirşikînim lê piştî dît ku tirşik ji min re maye rabû poşman bû jiya xwe hat xwar û li tirşikê vegeriya..

hêvî dikim ku rasteqîn jî evê qerara xwe cardî revîze bike û poşman bibe û vegere tirşikê..