632. li vir dibêje Here lînkê bajarê hakkaran

li vir dibêje Here lînkê ji kurdî herkarî. ev mesela herkarî min çend carên din jî bihîstî, xelkê wir hinek jê hê jî dibêjin herkarî: her + karîn.

akadî hemma gihane hekarî, zêde li wir nemane; ez bawer nakim ewqa bandor lê kiribe.

helbet ev hemû îddîayên jiqûnê yên etîmolojîk in.

633. spasdariyeke derengmayî;
ji bo bersivên @xendekî û @umed ez spas dikim..

tirşik forûm/105802
tirşik forûm/105807

û pirseke min ya din jî ji gelê tirşikîstanê ra heye.
Wê rojê, li cizîrê, heywaneke ecêb hatibû dîtin.
Navê wê bi tirkî "varana çolê" bû.
Gelo bi kurmancî, -li devera Cizîrê- jê ra çi navî lê dikin?
Here lînkê

634. Ez dikim mijara "çîk" vekim lê navebê. Berî niha min ev mijar j'xwe re kiribû kul û derd. Niha ez dikim vekim, peyama xwe dinivîsim lê venabê. Halbûkî hişyarî jî tê peyamdanka min "kul û derd'"ê de hate dermankirin!

Gelo çima?

Edît : ok. Niha derket. Spas dikim

635. mijara çîk vê gavê vedibe.
kesê ku xwestiye bibe derman, îhtîmalek mezin ji ber qutbûna înternetê an jî problemek teknîkî, çend caran li ser hev tikandinê kiriye û gelek mijarên çîk bi hev re hatine vekirin. loma jî tirşikê nedizanî kîjanê nîşan bide. min yên zêde û vala jê birin, niha çareserbû.

636. Ez çima nikarim hindirê mijarên siyasî bibînim û lê binivisînim? * xwedê heqa bi heq bike..

Bixwedê dinya lihev dikebe bitirsin û netirsin piştî lihevketinê jî wê gelek xweş bibe.
çi dibe li dinyayê, li rojhillata navî ?
Amerîka, tirkiye, rusya, îran suriye, îsrail.. tev têk çûn wê bixwe bixwe bihevkebin, bihevnekebin jî wê wekî tirkiyê bibin çewa belkî bala we kişandibe va heftekî du hefteye li tirkiyê qeza li ser qezayê çêdibe xwedê li wan dixe, yên teva erebeyên wan dibin pert, yên agir dikebin malawan û nexweşxaneyên wan yên hev kêr dikin, yên bi top û guleyên (brusk) xwedê diçin.. di heftekîde çar heb helikopterên amerîkayê, çend hebên rusya , firansa cezayir, yunanîstanê.. ketin û wê bikebin jî edî xwedê darê xwe daye destê xwe haya we jê hebe bi quran dikuje * piştî lihevketina dinyayê hz.mehdî derê banga hîdayetê bike aramiyek mezin wê ava bike wê heqî û edalete min bibe hakim ez telebe û şûrê wî ezim.
Mehdiyet tê nerhetiya nekin daku hun jî şêrînlera bibînin/ gurê menco we nexwe..

637. nivîskarên ku ji 100 peyaman kêmtir nivîsandine, nikarin mijarên sîyasî bibînin.
dema hemara peyamên wan ji 100, bihurî, ev astengîya li ser wan jixweber radibe.

638. Gelek caran tirşikê divekim, lê mixabin peyam zehf kêm in. Eynî peyamin.

Xwezî bi qasî ekşîyê dagirtî bane.

639. kuro barikem êdî tirşik hêdî hêdî ber bi têkçûyînê va diçe :(
her kesî ji xwe re blog mlog vekirine ûli wan deran da dinivîsînin her tiştî.
hema wan tiştan kopy-past bile bikin têra me ya roj bi rojê hebû ha.

640. wê rojek bê, qedr û qîmeta tirşikê bê zanîn. vêga hejmara peyaman, nivîsan hindik in, lê belê namîne bo demekî dirêj, dê ronahî derkeve û çirûskek çavê me hemûyan kor bike.

li hêviyê bimînin. ji kêmê jî kêmtir ma.

641. Niha 113 mêvanên tirşikê xuya dikin.
ez meraq dikim ka gelo ew hejmar rast e an na?
yanî ez zêhn nakim ku di vê saetê da 113 merivên mînanî min betal hebin.

gelo ew hejmar birastî jî wisa ye yan mesela ez îro deh caran ketim tirşikê û derketim, ew têketin-derketinên min hemûşk wek mêvan tên nivîsandin lewma li wir ewqas zêde ye hejmara mêvanan????

(bnr: di hişê min de pirsên ecêb)

Jêrenot : maşellah niha bûye 120 ! *

642. meseleya mêvanên tirşikê;
dema komputerek an jî telefonek têkeve tirşikê, ger ew kes têketinê bike yanî endam be, jixwe ew kes tê naskirin. lê ger têketinê neke tirşik li nimroya ip'ya wî dinêre û wî kesî weke "mêvan" dihesibîne. ger xwediyê vê ip'yê di nava 15 deqeyan de di tirşikê de li tu deran netike, tirşik wî kesî çûyî dihesibîne û ji hejmara mêvanan kêm dike.

yanî; ew hejmar rast e. lê robotên google, yahoo, yandex, bing, duck duck go û hwd. jî 24 saet li malperan digerin û ku daneyan berhev bikin. yanî ew jî di nava mêvanan de ye.

643. roj baş gelî tirşikvanan..
gelo hun dizanin peyva altindarî tê çi wateyê?
Ev peyv di helbestên şikoyê hesen da derbas dibe.

mînak :
... altindariya kurd ez dikim bawar.

644. Bila Birêz simurg56 derkeve ji bo Kurdiya "damar yolu" tiştekî bêje ji kerema xwer e . Birêz asoya helbesta kurdî di Twitterê de got "rêya rayê, rebora rayê" lê dîsa jî ji hişê min dernakeve gelo em dikarin tişkî din jî jê re bêjin?

645. tirşik forûm/107033

mixabin wergera vê têgehê ji bo kurdî ne hêsan e. ji ber ku tevlîhevîyek heye di vê mijarê de. di kurdî de herkes ji bo damar û sinir'a tirkî, tiştekî din dibêje.
demar jî ji bo herdûyan tê bikaranîn, ra/reh jî.

damar yolu ji bo wê enstrûmantasyonê tê gotin ku bi riya lûleyeke zirav mirov dikeve hundirê demarên xwînê û bi riya vê lûleyê mirov dikare xwîn û tiştên din ji laşê mirov bistîne an jî lê zêde bike.

doç. dr. huseyîn bektaş, di xebata xwe ya anatomîya bedena mirovan de meselê wisa safî kiriye:
demarên xwînê kiriye du beş; sordemar û şîndemar. sordemarê ji bo demarên belavker bi kar anîye (tirkî: atardamar, îngîlîzî: arter), şîndemarê jî ji bo demarên berhevker bi kar anîye. (tirkî: toplardamar, îngîlîzî: vein)
lê ev ne tiştekî bimantiq e. ji ber ku rengê sordermaran ne sor e û rengê şîndermaran jî ne şîn e. di atlasên anatomiyê de ji bo ku ji hev werin veqetandin, wisa tên boyaxkirin lê di rastiyê de ne wisa ye. loma binavkirinek wisa ne rast e. em bêjin demarên belavker û berhevker çêtir e.

huseyin bektaş ji bo sinir'a tirkî jî (îngîlîz: nerve) peyvên birik û reh bi kar anîye.

welasil wer xuya dike ku divê em ji bo damar'ê bêjin demar. yanî di wergera damar yolu'yê de divê em behsa reh, ra û hwd. nekin û pêşniyarên xwe li gorî vê yekê bikin.

di destê min de pêşniyarek orjînal tune. ya ewil tê hişê mirov û ya herî hêsan û bi hêsanî were fêhmkirin ew e ku em bêjin riya demarê.

dawiya dawîn, min tije tişt nivîsandin û di dawiyê de wergera motomot kir *

not: pirtûka birêz bektaş di danegeha me de heye: Here lînkê

646. tirşik forûm/107033 rêtamar ha ji we re, dê serên xwe neêşînin.

648. Here lînkê

Nivîs hinek wergeriyayî hat li min. Cara yekem ku min xwend jê dagerandiyek, serûbiniyek pê hisîyam. Dibe ku li dera me bikaranînek bi vê rêzê nîn e ji ber vê yekê vajîtiyek rû da li gel min û ez çewt im.

Kîjan aşpêş e?
Kîjanê aşpêj e?

Kî ji van aşpêj e?
Ji van kî aşpêj e?

Ji van kîjan aşpêj e?
Ji van kîjanê aşpêj e?

Kîjan ji van aşpêj e?
Kîjanê ji van aşpêj e?

Peyva aşpêj werê pêş bi qasî wan hevokan hevokên din jî dikarin derbixin. Wek mînak;
Aşpêj ji van kîjan e?
Aşpêj ji van kîjanê ye?
.
.
.
....û dîtir.

Hevalno ji van kîjanê rast e, kîjanê rast e xwişk û birano? : ).

649. Devrik cümle bi kurdî çawa tê gotin? Li pirtûkan çawa derbas dibe? Bikaranînek giştî heke hebê kîjan e?

650. bila chalak events û tirsik.net li gel hev bicivin.

651. chalak events xwe bide ber û tirsik.net jî hazir be dikarin li Amedê çalakîyeka rengîn pêk bînin.

652. peyamên nû ku li çepê rûpelê li bin hev bi rêz dibin, bi nimro li ber wan mirov fêhm dike ka li ser mijarê çend peyam hatine nivîsandin.

îcarê, pênc kes li ser heman mijarê deng bidin, rêzên dengdanên dawîn ku cihê wî li milê rastê yê rûpelê ye, tenê bi mijarekî tije dibin. nimroyek qasî hejmara dengdanan çima li hemberê mijaran nanivîse, moderatorno? bi ya min, bi nimro, ew ê çêtir bibin.