928. Spas kekê Xelîl.
Û dixwazim tiştekê din jî bipirsim. Min li ser înternetê pirr lêkolîn kir lê min nedît peyva soran soranî ji ku derê tê. Ên ku dizane dikare ji min re eşkere bike.

930. hevalno ev vîdeo ji kîjan fîlmî ye?


vîdyoyê veke

931. Yalvarıyorum bi kurdî çawa dikare bê gotin?

Û gıdıklamak?

932. @yûsiv, yeke yek ne werger e lê karî bibêjî, 'ez di bextê te de'

mînak: ez di bextê te de, tê min ji vî derdî xelas bikî.

933. @yusiv,
Pêşnîyara tîrêj rast e, weke din:

Yalvarmak: lava kirin
"Jina wî Zerê bi heyran qurban jê re lava kir; li ber wî gerriya, bê fêde bû" [dara gozê - Serdar ROJAN]

"Êzidî ko navsale bû, telîsek li piştê, li dora xwe dizivirî û xwîdan li enî, rondik li ser çavan, bi lava, bi tenê digot, Zarokno mekin, bihêlin ez di riya xwe de herim... Bi leza birûskê em ketin nav zarokan, bi çend şeqamên ko diviya di rûyê Heme û Kamo de jî biteqiya, me zarok jê bi dûr xistin" [Hawara Dîcleyê - Mehmet UZUN

Gıdıklama: diqdiqandin
"Wî dengî, wî kenê ji dil ko mirov digot qey hatiye diqdiqandin, heyecanek xist dilê wî" [Reş û Spî - Îbrahîm Seydo AYDOGAN]

"Misto hêdîka çû pişt wî û bi serê tiliyan ew hêdîka diqdiqand" [Sorê Gulê - Silêman DEMIR]

934. Spasiyê li hemdê @tirêj zana 21 û @simurg56 re dikim. * wekî dermanê hatin.

935. “Yalvarmak” a kurdî her wekî din “li ber gerîn” e.
Wekî li ber te digerim wî mexe, ew kir tu meke.
Ey xwedê, li ber te digerim.
Li ber min gerî ku ez sibe zû rabim herim bajêr, çend xwestinên wî jê re bînim.

936. recycling bi kurdî çi ye?

937. Tiştê çû bide dû, pey çeqçeqokê ketin * zivirandin, vegerandin, fetilandin

938. tirşik forûm/128373 bi soranî bekarhênanewe ye, anku dîsa bikaranîn. -ewe wateya dîsayê dide hevreha ve- ya kurmancî ye. yanî bi kurmancî em dikarin bibêjin vebikaranîn. lê ev di ti ferhengan de pêde nabe û ez nabêjim qey ê kes têbigihêje. herwiha min di wîkîferhengê de "tedwîr" dît, erebî ye lê ketiye kurdî jî. wekî din jî "vezivirandin" heye di wîkîferhengê de. ez dibêjim qey tu ji vana yekê bi kar binî pêşî tênegihêjin jî dikarin ji ferhengê binêrin û fêr bibin *

939. silav gencno, di vê bernameyê da perwîz cîhanî behsa helbestvanekî kurd ê navê wî macin dike. gelo ev şair kî ye hûn nas dikin?

deqeya 31:35



vîdyoyê veke

940. @hozan serhed

min di sernavê macin de nivîsî, lê sîstema tirşikê tenê hevoka pêşîn weşand û cara dudan jî qebûl nekir, hemû kedê min çû ber avê asdfgh

kurte:
di Şairên klasîk ên kurd de û di nimÛne ji gencîneya qedexekirî de hatiye qalkirin. tu agahiyekê rast a zanistî tune ye derbarê wî. tenê qasîdeyekî wî di keşkûlan de derbas bûye hew. û texmîn dikin ku berî 200 250 sal jiyaye û têsîra bateyî li ser wê helbesta wî heye.

941. Nivîskarno gelo Bêkubarî çiye?

942. Silav,
@shwinsherm destpêka nivîsandina bi kurdî/128889 di vê peyama xwe de gotiye, " ez ji tirşikê sar bûme, ma simurg nayê nanivîse çima ezê binivîsim?"

Min ji vê gotina wî tiştek fêm nekir. Ma qey em bo simurg tên li vir dinivîsin? Belê ger simurg jî were li vir binivîse, emê gelek kêfxweş bibin. Kêfa me teva jê re tê. Niha dibe ku wext nabîne an kar û barên wî hebin, an dibe karûbarên me teva hebin, derfeta nivîsandinê nebînin. Lê belê gotina ku çima ew nakevê ez jî nakevimê pir çewt e. Simurg nêzî 11 hezar peyam nivisiye, vê malperê ava kiriye, dê hêj çi bike? Hûn jî 11 hezar peyamên weke wî binivîsin û êdî têketinê jî nekin. Hinek ji bo hineka tên û dinivîsin. Nenivîsandina simurg nayê wê wateyê ku ev ferheng têk çûye û dê wenda bibe. Ji xwe camêr soza zindîhiştina vê malperê daye. Gotiye" heya ez sax bim û dest û lingê min bigrin, ger kesek nenivîse jî ezê vê malperê weke arşîvekî vekirî bihêlim. Lewra her kesê ku hatiye li vê derê ked daye û nivîsan li tirşikê bar kiriye, peyamên xwe emanetî min kiriye"

Nîşe: ji kerema xwe heçî kesê bêhna wî teng bû an dilê wî ji tirşikê, doza kurdî ma an jê sar bû bila li van dera bi eşkere nenivîse û nebe sedema hin kesên din jî jê sar bibin. Ev tekoşîn dijwar e. Bi qasî dijwarbûna xwe heye ku dûvdirêj be jî. Herçî kesê vî barî hilda divê bêhna wî fireh be û di doza xwe de xwudî- israr be. Silavên xwe li hemû hevalan dikim!

943. @lonw karda

Pismam " bêkubarî" bê kubarî ye. Kubar yanê bi nazikî( bi tirkî kibar). Daçeka " bê" wateya neyînî dayiyê. Yanê ne bi kubarî. Wekî din nizanim, ma wateyê wê din jî hene?

944. Slav
tirşik forûm/128903
ez bawerim bi edîta nû baştir bû ye nivîsa min .
wekîdin ev çend meh ne xuya mim lê kesî nego çi berem û çi teva .

945. yaw ev pirsek min heye

li cem me dibêjin hûr û rêvî
hinek kurd "h" nabêjin rasterast dibêjin ûr .

gelo gotinên hêk û haştî li cem we çawa tê bilêv kirin?

946. ji bo bersiva tw Zehv spas dikim @biruya hayao miyazaki *

tirşik forûm/128837

947. Gelî moderator û edîtorên hêja,
Ji kerema xwe navê van mijaran sererast bikin.

(bnr: li gercowsê tecawizkirina zarokek 15 salî)
>(bnr: kercews)

(bnr: fenomenên kurd çima hayê tirşikê tîne)

948. @tîrêj zana 21, çêbû. spas ji bo ragihandinê.