1151. Hinek gotin hene li ba min ne helbest in , ne biwêj in ne jî wek gotinê pêşiyan e min tê dernexist gelo hûn binêrin ewana ber bi çi kategoriyêne?

Dayê dema ku mesele dibe derdê jina ew gotinê dike :
Dê û dot, li hev rûniştin
Giliyê xwe kirin, gazincê xwe hîştin
Miriyê mezela rabûn, kefenê xwe serê xwe werdan, qûn rûniştin
Qûn rûniştin : xwar rûniştin, rûniştinek bê rehetî

Dayê dema qala bêxêrbûna birayê xwe dike, ji biyanîbûna wan dilê wê dimîne ew gotinê dibêje:

Ez çûm mala kekê,
Min pişta xwe da sitûna qilîçekê
Mala dê û bavê meriya lê tinne bi
Çima sar e wa mîna mala xelkê

Dayê dema ku tiştekî nikare eşkere bike wek eşkerekirin di wê demê de encamê xirab tîne, dibe raweste bo eşkere kirinê vê gotinê dike:

Manga sorê bira min te bifrota, eyb û udrê te bigota
Mange: çêlek

Dayê dema ku ji qederê bêzar dibe, ji rewşê re giliyan dike ew gotinê dibêji:
çima wê berfê bibare, çima wê destê bicemidi?

Belê hemû min ji dayê bihîstiye û nizanim vana li bin kîjan mijarê binivîsim. Gelo hûn çi dibêjin