1. ne diyar e lê divê êdî were dîyarkirin.

weke hûn zanin êdî gelek kes ji ber nivîsên wan yên di medyaya sosyal de, tên girtin û jikaravêtin û hwd.

ji bo ku tiştên wisa neyên serê tirşikvanan, gelo divê çi were kirin? divê êdî em bersiva vê pirsê bidin.

vê gavê jixwe heta ku ev problem were çareserkirin, me tirşikê ji mêvanan û biyaniyan re girtiye. ji ber ku di tirşikê de niha gelek peyam hene ku dikarin serê malperê jî xwediyê peyamê jî biêşîne. şûna ku em van peyaman jê bibin, weke gava ewil me malperê ji biyaniyan re girt. lê ev ne çareseriyek mayînde ye. ji ber ku bi vî awayî motorên lêgerînê yên weke google, yahoo, yandex fîlan jî tirşikê nabînin û nikarin di lêgerînan de malpera tirşikê jî lîste bikin. wê demê tirşik wê neyê nasîn û belav nebe.



niha çend xal hene ku divê em li ser bisekinin;

1- divê di pêvajoya endambûnê de şertnameyek hebe û were erêkirin? ger pêwist be, divê kîjan xalan bihewîne?

2- dema nivîskarek peyamek nivîsand ku dikare ji aliyê zagonî ve bibe sedema pirsgirêkan, divê moderasyona tirşikê çi bike? demildest jê bibe an divê bimîne li benda şîkayetek?