114. Radyoyek wisa ye ku, ger ez xwedî dikanek bûma, weke cafe'yek felan, min ê vê radyoyê vekiriba û heta êvarê bêked, bênavber û bêreklam, meseleya mûzîkê hel bikira.
Him jî mûzîka bi qalîte.

115. agahî: 32 stranên nipûnû lê hatin zêdekirin.

agahîyek din:
- ev 2.345 roj in ku radyo di weşanê de ye û heta niha 34.667 stran hatine guhdarkirin.
- yanî rojê 14.7 stran.
- her stran 4 deqe bin, dike nêzikî 60 deqe.

ango radyo her roj saetek tê lêdan.

116. "bernameya radyoya tirşikê çima nîne?" ez ji xwe dipirsim.

di sala 2013an da radyoya tirşikê destpê kirîye. moderasyona tirşikê biryareka baş hilanîye. muzîkên kurdî tevlî muzîkên biyanî weşandiye, derfetekî baş çêkirîye. lê îro? îro (2020) muzîk li her derê ye. êdî, mixabin weşana mp3yê ji bo radyoyekê qîm nake.

ez dibêm, qet nebe du tirşikvanên me (ya rast, tirşikvan nebin jî dibe) rabin li ser mijarên rojane nîv saet gotûbêj bikin, bo destpêkê, willeh besê min e. bernameya radyoya tirşikê dest bi weşanê bike, hefteyê carekî jî bibe ji min ra bes e. kî çêkir, hezar car xwedê ji wan razî be!.

ji ber ku tiştekî wisa tune ye, xelk diçe youtubevanên din dişopîne. ji bo ku haya xelkê me perçekî ji nûçeyên dinyayê çêbibe, diçin guh didin xelkên bîyanî, yên tirk û hema kî hebe.

bernameyeka zindî jî dibe, podcast jî dibe hevalno, cidî jî dibe, bihenek jî dibe. bes weşaneka kurmancî bi gotûbêjekî teze be. ev yek, îro hewcehîyeka mezin e. ne tenê ez im. cinawirek din jî qala vê yekê kirîye di bin mijarê da.

radyoya tirşikê/114739

117. radyoya ku heçî nivîskarê ku ji 250an zêdetir peyam nivîsandine, dikarin stranan lê bar bikin. ev taybtî jixwe hebû lê belkî gelek kesan ji bîr kiribe. fermo, heçîyê bixwaze, bila stran bar bike.


mixabin niha mirov nikare tê de weşana zindî bike. him ji alîyê teknîkî ve ew bingeha wê tune û him jî ez bawer nakim ku kes ji me wext bibîne ku jê re bernameyan amade bike. ku tiştek wisa were kirin jî, gelo wê bi rastî çend kes bi zindî lê temaşe bikin? piştî ku kes zindî lê guhdar neke, ferqa wê û vîdyo an jî podcastan namîne.

118. Radyoya tirşikê gelek xweş hatiye damezirandin , destê we saxbe
Min caran xwest lê mêze bikim gelo çawa stran lê tê zêdekirin lê min nedît.Yek jî mirov bikaribe bigihîje lîsteya stranan û bikaribe lê daxwazê hilbêjere û guhdar bike ma baş nabe.Gelo wê demê dibe ku ji rewşa radyoyê derkeve bibe medya player.Nizanim.Lê pêşnîyar dikim.

119. nizanim çima ev demek bû xera bibû, hinek taybetîyên wê naxebitîyan. min îro ser û guhê wê rast kirin.

- dema hûn li navê tirşikvanekî bitikînin, stranên ku wî/wê bar kirine, tên lêdan.
- dema we li zimanekî tikand, stranên bi wî zimanê tên lêdan
- dema we li cûreyekî tikand, stranên bi wê cûreyê tên lêdan

her wiha vê jî bînim bîra we; heçî nivîskarê ku 250 peyam nivîsandine, dikarin stranên li ber dilên wan şêrîn, li radyoyê bar bikin.
min îro 30 stranên din lê zêde kirin. bû 661 stran.


lêzêdekirin: êdî dema we stranek li radyoyê zêde kir, di beşa zindî de agahîya wê tê ragihandin. di vê ragihandinê de mirov dikare li navê stranê bitikîne û dîrekt guhdar jî bike.

120. taybetmendiyekê xweş e lê ez dibêm tenê moderator weşanê dikin. dîsa jî min çend stran bar kir.

121. Radyoya ku dema dixwaze weşanê bike, hişyariyekê dide ku belesebep kenê min anî *
Hişyarî: tenê moderetorên payebilind, dikarin weşana zindî bikin. shorbevan nikarin.

Sererastkirin ji bo peyama jêr: @hueyn mixabin taybetmendiyên moderetora di derheqê hişyariyan tune, hişyarî ji aliyê Simurg56 ve hatiye danîn *

122. radyoya ku hîşdariya wê min jî dîtibû. berê di navbera shorbevan û modên tirşikê de gelek pevçûn çêdibû ez dibêm qey mod jî wilo bêhna xwe fireh kirine û hê jî nehatiye sererastkirin.

123. her dem tiştên baş derdixe pêşî min.

spoilerê veke

124. Ez newe bonder bîya. Heme hal û hewal de şoxilêna. Merdim eşkeno hem radyo goştarî bikero hem zî eşkeno tirsik de binuso heta kê eşkenê sepanê bîn zî akerî. Radyo tim akerda manena. Eno qaîde youtube de zî çîn o bijî *

125. rojanekirin: êdî ne tenê moderator lê her nivîskarê ki pûana wî/wê ya karmayê ji 500î zêdetir e, dikarin weşana zindî bikin. (yên ku niha online in, bila ji bo carekê ji tirşikê derkevin û dîsa têketinê bikin)

ku problem hebe, ji kerema xwe re ragihînin min.

126. Hêvîya wê rojê me ku ez jî karibim weşanên zindî li ser bikim.
radyoya tirşikê/139023

127. Ger tirşikvan bikaribin bi dengê xwe weke dj weşana zindî bikin ew ê pir xweştir bibe.

128. belkî jî di guhertoya 3.0 ya tirşikê de wê beşa herî xweş be.
mergehez radyoyê wisa ji nû ve ava kiriye ku, êdî naxwazim jê derkevim.
radyoya tirşikê, bi mantiqa xwe jixwe tekane bû. bi taybetîyên nû, wê ji bo mûzîkhezên kurd bibe astek gelek wêdetir.