97448. piraniya kurdên tirkiyê vê mezhebê dişopînin. lê pir ne mimkun e ku meriv bigihije agahiyên 'amelî ya vê mezhebê. geh ne li çavkaniyên çapî ne jî li înternetê. ji bo agahdarkirinê meriv dikare çend nivîsên tevlihev û dûr û dirêj dest bixe. lê ew ne pratîk in û alî nake ew kesên ku dixwazin dest bi mesela nimêjê bike. heke li dora we dîndareke şafiî tune be, gengaz e ku hun ê têkevin riya hanefiyê. ji ber ku gelek çavkaniyên wan ên ji bo rêdan û hînkirinê hene û bi sîstematîkî, bi tablo û şemayan, di kîjan wextê de çend rekat, di kîjan rekatê de kîjan duayê tê xwendin, rêzên duayan, ferqên ferz û sinet û qezeyan, xwendina tizbiyan rê didin, hwd.

tê bibêje qey diyaneta dewletê dixwaze kurdan li aliyê dînî ve jî "asîmîle" bike. (ha ji bo min mezheba henefî ji ya şafiiyê baştir e lê ev nîqaşeke din e.)

97452. Wek mezhebên din (bi rastî li gor quranê sosyalizm/kominizm herwiha mezheb jî dîn in) însanan ji rebtiya xwedê bidûr dixe û wana dike bendeyên mela û dewletan.

Meriv divê çawa nimêj bike? -xweda heşa jibîr nake (meryem 64), heke nimêj ferz bûya wî yê bigota ka çawa meriv divê nimêj bike. Di sûreya maûnê de ji bo vê rewşê rexneyek tund heye. Xweda dibêje dia bikin, heke ne ji diayên we be xweda çi bike bi we? (Furqan 77). Heke kesek ji bo dia kirinê nimêj dike divê bi zimanê xwe bike. Ka hêvî û daxwazên misilmanan ji bo dahatûyê neman? Ka hêvî û daxwazên misilmanan ji bo axretê neman? Hingê ji bo çi misilman bi zimanê xwe dia nakin? Zimanê xwedê heşa ne erebî ye. Ew naşibe tiştên ku em têdihesin.(şûra 11).

Dewleta tirk hewl dide ku mezheba kurdan bibe hanefî? Lanet li hemî dewletan ku çewsandin û bişavtina gelan bi vî awayî birêvebirina însanan ji xwe re dike erk û peywir. Lanet li ew kesan ku însanan ji aştî û aramî bi dûr dixin wana dikin dijminên hev û li ser rûyê erdê alozî derdixin û dinya gemarî dikin. Herçend dînèn henefî, şafî, malikî,hanbelî û şia dînên mişrîkan bin jî kesek nikare hukm li kesek din bike. Di îslamê de yê xwedî hukma mitleq xwedê ye. (Ûsiv 40hwd) birêvebir bes hukmên xwedê birêvedibin û bi ronahiya quranê hukmên nû çêdikin hew.

Ji bo alîkarî,hevkariyê hatina ba hev ferz e! Zêde bi 120 ayetan eviya ferz e. Li derdor binêrin û bibînin. Li ciwanên kurd binêrin. Di destê wan de çekên sivik yan molotof şer dikin û têne kuştin. Heke em bihatana cem hev, hevkariya me hebûya me yê wana bizewicanda, kar û şixul ji wan re peyda bikirana, heke me dîsa hevkariya xwe qeyîm bikira perwerdehiya ziman û zanyariyê têkûz bikira, me nexweşxaneyên baş ava bikirina....eviya fermana xwedê ye yan nimêj kirin? Yan misilman rebtiya xwedê naxwazin, yan jî xweda heşa bi misilmanan dilîze. Û ka bibêjin gelê ku wek cihûyan hevkarî/alîkarî/selata wan hebe kî dikare bi wan? Erê erê ew kapitalist in, faşîst in lê li kê derê dinyê bin ji bo qenciya gelê xwe hevkarî/alîkarî/selat dikin.

(bnr: îslama quranê) (bnr: misilmaniya quranê)