1. fÎlmeke melankolÎk e.. fÎlma derhênerê navdar, luc besson e.. di 1988an de hatiye kişandin.. di fÎlmê de aktor û aktrîstên meşhûr yên wekê jean reno, rosanna arquette û jean-marc barr dileyîzin..

fîlm li giraveka yunanîstanê destpê dike û behsa hevaltiya enzo û jacques ya ku li ser hejêkirina noqavbûna binê behrê ye dike.. piraniya fîlmê di nav behrê û di binê behrê de derbas dibe.. enzo yanî jean reno mirovek zêde rikoyî û azmend e di kategoriya noqavbûnê de xwediyê çendÎn şampÎyonayên cîhanê ye û jacques yanî jean-marc barr jî yekî xemsar e hîn biçûk dêya wî ji wan qeriyaye û bavê wî jî jacques hîn zarok di dema noqavbÛnê de jiyana xwe ji dest dide..

mijara fÎlmê li ser reqabeta di nav enzo û jacques ya di binê behrê de pal dide û xwe dirêj dike..

aura û atmosfera fîlmê çendî eger ba û kîşwera behra spî ya şÎn û spî bide ber bêhna mirov jî, rêwingiya herdu karakteran ya berev jêrtirîn nuqteya binê behra bêserûber ve dil û hinavê mirov diherişÎne..

fîlmeke kaotîk û depresÎf û melankolÎk.. eger dilê we ji dinyayê û ji jiyanê sar bibe û dilê we diçe û dibije mirinê jê nemînin, na eger hûn dibêjin ez ji hal û wextê xwe memnûn im, her êş û elema ku bela xwe difiroşe min, min xurttir dike, berê xwe jî pê ve nekin, herin ji xwe re darî fîlmên woody allen bikin

2. navê fîlmê bi frensî ye.. ji bo îngîlîzî wek the big blue yanî şÎna mezin, û ji bo tirkî jî wek derinlik sarhoşluğu yanî serxweşiya kûrahiyê hatiye wergerandin..

wergera bi tirkî bêtir nêzikî mijar û wateya fîlmê ye.. ji bo kurdî û kurmancî jî mirov dikare navê fîlmê wek şÎnahiya bêbinî an serûbinê behrê wergerîne..