371. min qet bawer nedikir ku endamê hespêsor ji peyama min ya hespêsor/121099 aciz bibe.

di derbarê meleyan û pêxemberê da bi têra dilê xwe gotibû dengê meleyan/119106 mihemed pêxember/119997. min jî bi kurtasî gotibû "ev peyam çênabe" tirşik forûm/120103 vê çaxê deng ji tu kesan nehat. te dê bigota qey xema kesê nebû.

dibe ku nedîtîbûna. ji bo ku şaşîya vê peyamê bidim ber çavan, dû re min dîsa hewl da piçek rave bikim, berfireh binivîsim tirsik.net/120935. moderator dibêm qey dîsa di xeweke kûr da bûn, dîsa deng ji wan nehat. tenê simurg56 dengê'xw kir tirsik.net/120956 got, ne tenê ez im, moderatorên din jî hene û di vê peyamê da heqeret ez nabînim û li gorî formatê ye.

îcar min vê peyamê nivîsand ("bê heqeret" û "li gorî formatê") hespêsor/121099 pişt re endamê hespêsor ewqas aciz bû, peyam li ser peyaman nivîsand, benzîn li xwe kir, hindik ma xwe bişewitîne. ne tenê ew, moderator jî aramî pê ra nema, çend nivîskar ketin hev, û wer dixuye ku xwîner jî dît ku wekî platformek em çawa kêrî tiştekî nahên. mixabin. werhasil, "bê heqeret" û "li gorî formatê" ne bes e. hêvîya min, hem endamê hespêsor hem jî moderator, li serê wan ketîbin, ji wan ra bibe tecrube.

qayîdeyên tirşikê ji çend rê û rêbazên giştî pêk tê. kêm fikirîn û zêde nivîsandin, kêm xwendin û zêde nivîsandin, ne lazim in. tije qayîdeyên nivîsandinê heye lê mirov nikare hemûyan li vir binivîse. bi ya min çend ji wan,

– tiştên tu naxwazî li te bê, li xelkê neke!
– tiştên tu di jiyana xwe ya rastîn da ji cîran û mirovên nas ra rû bi rû nabêjî, li vir bidizîka nebêje!
– li gorî nefsa xwe tev negere! li vir ne cihê forsavêtinê ye (endazer vê yekê gotibû, min nedît li kêrê ye ku parve bikim)
– tiştên ku kêrî tu tiştî nahê, ne bibêje ne jî binivîse!
– tiştan dubare nenivîse!
– sernivîsên ku xizmeta zerara kurdan dike, jê dûr here, di binê wan da qet nenivîse!
– kesên/tiştên ne hêjayî qisekirinê ye, mijarên wan peyda neke!
– nivîsandin zehmet e, têr li ser bixebite, pişt ra biweşîne!
– yekîtî, bi hev ra jiyîn zor û zehmet e. ked divê.
– xwe sînordarkirin ji bo kesên din yek ji pênaseyên herî ronak yên demokrasîyê/bi hev ra jiyînê ye (etyen mahçupyan gotibû di bernameyekê da). li gorî vê yekê tev bigere/binivîse!
...