1180. Alîkariya min bi wergera van Peyvan heye:

Music player
Play
Playlist

Lêdera muzîkê
Lêde
Rêzoka lêdanan

Vêxînera muzîkê
Vêxe
Rêzoka vêxistinan

Lîstikkera mûzîkê
Bilîze
Rêzoka lîstikan

Wekî din?????

1181. @cyaxeres yên yekem çêtir in bi min. lê ji devla rêzoka lêdanan rêzoka stranan çêtir e.

û wekî din jkx navê vê mijarê (bnr: gundê alûca) bikin (alûca)

1182. @keyomerd spas

1183. @cyaxares, li ser radyoya tirşikê em weke lêde (play) bikar tinin. Lêder/lêde baştir e.
@keyomerd, navê mijarê hat gûhartin.

1184. @cinorek min fêm kir spas jixwe min jî di wergerê da lêde bi kar dianî min got dîsa pir bikim

1185. eger berê hatibe nîqaş kirin min biborin. pêşniyara min eve ku di frame a çepê de ne mijarên 24 saetan, herî kêm mijarên 48 saetên dawîn an jî bila hejmarek sabît be û wekî mînak 40 mijarên nû divê bêne nîşan dan. a niha 2 mijar xuya dibin. wiha hîsa valahî û bêdengiyê dide bikarhêneran. ger di têketinê de zêdetir mijar bêne dîtin, asta peyam nivîsandina li mijaran jî wê zêdetir bibe.

1186. @xidiran min jî ew pêşniyar kiribû ku şûna 24 saetan mijarên heftê bên sabît kirin.
Lê rêweberiya tirşikê razî nebû.

1187. Ez jî tevlî fikrê di vê peyamê: tirşik forûm/137461 de dibim. Tiştên bi zahmetî tên nivîsîn pir zû wenda dibin yaw. Bila Demeke din jî li ber çavan bin baştir e li gorî min.

1188. Ez jî wek heval @xidiran dihizirim û xebera te ye @xabûrî... Bila xwedîyê tirşikê (bnr: simurg56) dengê me bike û vê meselê safî bike ..

1189. @cinorek ê madem rêveberî naxwaze tirşik şên û geş be, kêfa wan e.

1190. êdî enerjîya berê nemaye. ev dewlet wisa kiriye ku ji xeynî fikirîna debara xwe, tiştekî nekin. ne kêf ne coş ne tiştek. Êdî kurdî di jiyana min de cihek gelek biçûk digre. berîya vê 7 sala û îro didim berhev, mirovekî wekî min ê kurdîhez êdî nikare rojê saetek bide kurdî.

Di vê pêşnîyarê de ez heq didim nivîskarên jorê. Dema em sernivîsek dibînin û ger li gorî zanîna me be em jî tên sê çar tiştan ditirşikînin. Bila qistasa xuya bûna mijarên dawîn biguhere û bila sînor 40be. ji 40î hindiktir mijar xuya nekin

1191. Ger bênamûsek ji ekşî sozlukê were û çav li vî halê tirşikê bike, wê here li ekşiyê têr henekê xwe bi vî halê kambax bike. Dê bêje " 50 milyon kurd nikarin ferhengekî aktîf bikin û ji loma dixwazin peyamên kevn jî xwuya bikin". Mixabin rewş ev e. Tirşika me sar bûye, nîvaskarên kevn rêya vir ji bîra kirine, çomez newêrin lê binivîsin, moderator deng û bas ji wan dernayê....

Lê pêşniyara ku dibêje bila mijarên çend roja li milê çepê xwuya bike, baş e. Carna mijar pir kêm dibin û heya caran dibe sifir. Wê demê mirov nizane bê ka rojev çiye an tiştek nayê bîra mirov da binivîse.


Wekî din, li ser xalîbûna tirşikê divê lêkolînên berfireh werin kirin û bi tîmek nû yê moderator û edîtorên aktîf, pêngavek nû were avêtin. Xalîbûn û bêdengî li tişikê nayê. Lazime bi ser hemdê xwe vegere û bigihêje qalîteya xwe. Hêviya min ji rêveberiyê guh bide van daxwaza û serdemek nu ji tirşikê re ava bikin.

1192. pêşniyara @xidiran di cî de ye. ev yek ji pirsgrêka herî mezin a tirşîkê ye.

"rêveberiya tirşikê razî nebû." ka çi bêjim... bila bijîn beg û axayên me yên dîjîtal.

tirşik wekî wikipedia kurdî, wîkîferheng an jî kurdî kirina ya google translate ê di ava bûna hişê dîjîtal a kurdî de projeyeke stratejîk e. ji ber vê yekê jî divê biryar bi awayekî kolektîf bêne girtin.

1193. Pêşniyara ji peyam=137461 gelekî baş, divê werê nirxandin

1194. "alozîyên jîyanê bi vexepartina kitekitên efsanewî ve zelal û rave dike."

hevalno vexepartin çi ye min li ferhengan venedozî

1195. Gelo kes dizane çima kurmancî di kodkirinê zimanan de wek kmr hatiye naskirin?
Her wiha ckb?
Û sdh?

1196. kurmanci di standartên iso'yê de wek ku an kur tê nasin.
Here lînkê

1197. Bo zaravayan pirs dikim ne unite code for Kurdish dazanim ISO639. Ku navê kurte ye bo kurdî, ya dirêj kur,
Ser navê kmr, ckb, sdh pirs dikim,

1198. @keyomerd vexepartin mîna vekolandin e. ango herdu jî wateya hûrnêrîn û tetkîkê didin. xepartin û kolandin weke kokên vexepartin û vekolandinê, têkiliya wan bi çandiniyê ve heye.

1199. @ezcan mala te ava. niha min li wîkîyê wek vexepirandinê dît bi heman wateyê. wekî din jî eve ji şkeftên haydrahodahosê bû dîsa spas bo pêşnîyazê *